యాషెస్ సిరీస్లో ఇంగ్లండ్ కాస్త జాగ్రత్తగా ఆడాల్సి ఉంటుందని ఆస్ట్రేలియా వికెట్ కీపర్ బ్రాడ్ హడ్డిన్ హెచ్చరించాడు. జూలై 8వ తేదీ నుంచి జరుగనున్న యాషెస్ సిరీస్లో ఆస్ట్రేలియా ధీటుగా రాణిస్తుందని హడ్డిన్ ధీమా వ్యక్తం చేశాడు.
మెక్గ్రాత్, షేన్వార్న్ల వంటి బౌలింగ్ దిగ్గజాలు జట్టులో లేకపోయినప్పటికీ యాషెస్ సిరీస్లో ఆసీస్ తప్పకుండా మెరుగైన ఆటతీరును ప్రదర్శిస్తుందని హడ్డిన్ నమ్మకం వ్యక్తం చేశాడు.
దక్షిణాఫ్రికాతో జరిగిన టెస్టు సిరీస్తో అద్భుతమైన బౌలింగ్ ప్రమాణాలతో రాణించిన హడ్డిన్, ఆస్ట్రేలియా క్రికెట్ ముందడుగు వేస్తుందని తెలిపాడు.
బౌలింగ్, బ్యాటింగ్ విధానాల్లో సరికొత్త మెళకువలను ఆస్ట్రేలియా ఆటగాళ్లు నేర్చుకుంటున్నారని హడ్డిన్ వెల్లడించాడు. అంతేగాకుండా.. ఆసీస్ జట్టులో యువ క్రికెటర్లున్నారని, తప్పకుండా యాషెస్ సిరీస్లో విజయం సాధిస్తుందని హడ్డిన్ ఉద్ఘాటించాడు. | 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు