మాజీ ఇంగ్లాండ్ కెప్టెన్ మైకెల్ వాన్ మంగళవారం విలేకరుల సమావేశంలో పాల్గొంటాడని ఇంగ్లాండ్, వేల్స్ క్రికెట్ బోర్డు (ఈసీబీ) ఓ ప్రకటన విడుదల చేసింది. 34 ఏళ్ల మైకెల్ వాన్ క్రికెట్కు పూర్తిగా రిటైర్మెంట్ ప్రకటించనున్నట్లు గత కొంతకాలంగా మీడియాలో ప్రచారం జరుగుతోంది. తాజా విలేకరుల సమావేశంలో వాన్ రిటైర్మెంట్ ప్రకటించే అవకాశం ఉన్నట్లు ప్రచారం కూడా జరుగుతోంది.
ఈ ఏడాది యాషెస్ సిరీస్ కోసం ఇంగ్లాండ్ బోర్డు ప్రకటించిన జట్టులో మైకెల్ వాన్కు చోటు లభించని సంగతి తెలిసిందే. దీంతో అతను క్రికెట్కు రిటైర్మెంట్ ప్రకటిస్తాడనే వార్తలు జోరందుకున్నాయి. ఆస్ట్రేలియాపై చాలాకాలం నుంచి యాషెస్ సిరీస్ విజయం కోసం ఎదురుచూస్తున్న ఇంగ్లాండ్కు వాన్ ఆ కల నేరవేర్చాడు.
2005లో యాషెస్ సిరీస్ కైవసం చేసుకున్న ఇంగ్లాండ్ జట్టుకు వాన్ కెప్టెన్ కావడం గమనార్హం. ఆ సమయంలో వాన్ ఇంగ్లాండ్లో తిరుగులేని క్రికెటర్గా ప్రశంసలు అందుకున్నాడు. 2003 సమయంలో ప్రపంచంలో అగ్రశ్రేణి బ్యాట్స్మన్గా వెలుగొందాడు. అయితే ఇటీవలి సంవత్సరాల్లో వరుసగా గాయాలతో బాధపడుతున్న వాన్ తన కెరీర్లో 82 టెస్ట్ మ్యాచ్లు ఆడాడు. | 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు