ఇంగ్లాండ్ ఆల్రౌండర్ ఆండ్ర్యూ ఫ్లింటాఫ్ ఆస్ట్రేలియాతో జరిగే సాంప్రదాయ యుద్ధానికి తాను సిద్ధంగా ఉన్నట్లు ప్రకటించాడు. ఇంగ్లాండ్, ఆస్ట్రేలియా మధ్య సాంప్రదాయ యాషెస్ సిరీస్ ఈ నెల 8న ప్రారంభం కానుంది. ఐదు మ్యాచ్ల ఈ టెస్ట్ సిరీస్లో తొలి టెస్ట్ 8న కార్డిఫ్లో ప్రారంభమవుతుంది. ఈ నేపథ్యంలో ఫ్లింటాఫ్ మాట్లాడుతూ.. ఈ సిరీస్కు పూర్తి ఫిట్నెస్తో ఉన్నానని చెప్పాడు.
కుడి మోకాలి గాయం కారణంగా ఇటీవల స్వదేశంలో జరిగిన ట్వంటీ- 20 ప్రపంచకప్కు ఫ్లింటాఫ్ దూరంగా ఉన్న సంగతి తెలిసిందే. ప్రస్తుతం ఈ గాయం నుంచి తాను పూర్తిగా కోలుకున్నానని ఫ్లింటాఫ్ చెప్పాడు. వార్విక్షైర్తో ఈ వారం జరిగే మూడు రోజుల ప్రాక్టీస్ మ్యాచ్లో తన సామర్థ్యాన్ని నిరూపించుకోవాలనుకుంటున్నట్లు తెలిపాడు.
2007 యాషెస్ సిరీస్లో ఇంగ్లాండ్ జట్టుకు ఫ్లింటాఫ్ సారథ్యం వహించాడు. ఈ సమయంలో ఇంగ్లాండ్ 0-5తో ఘోర పరాజయాన్ని మూటగట్టుకుంది. తాజా యాషెస్ సిరీస్లో భాగంగా కార్డిఫ్లో జరిగే తొలి టెస్ట్ మ్యాచ్కు పూర్తిస్థాయిలో సన్నద్ధమయ్యేందుకు ప్రయత్నిస్తున్నానని ఫ్లింటాఫ్ తెలిపాడు. ఎనిమిది వారం క్రితం మోకాలి గాయానికి ఫ్లింటాఫ్ శస్త్రచికిత్స చేయించుకున్నాడు. | 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు