ప్రస్తుత యాషెస్ సిరీస్కు ఆస్ట్రేలియా ఫాస్ట్బౌలర్ బ్రెట్లీ మెరుగైన ప్రత్యామ్నాయమని ఈ దేశ మాజీ వికెట్కీపర్ బ్యాట్స్మన్ ఆడమ్ గిల్క్రిస్ట్ అభిప్రాయపడ్డాడు. ఇంగ్లాండ్లో నాలుగేళ్ల క్రితం ఆస్ట్రేలియా 1-2 యాషెస్ విజయం సాధించడంలో బ్రెట్లీ కీలకపాత్ర పోషించాడని గిల్లీ గుర్తు చేశాడు. చీలమండ గాయం నుంచి కోలుకున్న బ్రెట్లీ పేలవమైన ఫామ్తో ఇబ్బంది పడుతున్నాడు.
అయితే బ్రెట్లీకి ఇంగ్లాండ్లో ఘనమైన రికార్డు ఉంది. ఇక్కడ ఆడిన 10 టెస్ట్ మ్యాచ్లలో బ్రెట్లీ 29 వికెట్లు పడగొట్టాడు. అయితే ప్రస్తుత ఫామ్ అతనికి శాపంగా మారింది. దీంతో ఈసారి యాషెస్ సిరీస్లో భాగంగా కార్డిఫ్లో ఈ నెల 8న కార్డిఫ్లో ప్రారంభమయ్యే తొలి టెస్ట్ మ్యాచ్లో మిచెల్ జాన్సన్, పీటర్ సిడిల్ ఇన్నింగ్స్ ప్రారంభించే అవకాశం ఉన్నట్లు ఊహాగానాలు వినిపిస్తున్నాయి.
జట్టులో మరో పేస్ బౌలింగ్ స్థానం కోసం బ్రెట్లీ, స్టువర్ట్ క్లార్క్ పోటీ పడుతున్నారు. ఈ నేపథ్యంలో గిల్లీ మాట్లాడుతూ.. వీరిలో ఎవరితో వెళతారనే తాను ఊహించలేనని చెప్పాడు. బ్రెట్లీని జట్టులోకి తీసుకుంటే అతను తన బాధ్యతలకు న్యాయం చేస్తాడని గిల్లీ నమ్మకం వ్యక్తం చేశాడు. ఇప్పుడు బ్రెట్లీకి మరో నాలుగేళ్లు అనుభవం ఉంది. అంతేకాకుండా అతని ఖాతాలో 300 టెస్ట్ వికెట్లు ఉన్నాయి.
అతని అనుభవం జట్టుకు తప్పకుండా ఉపయోగపడుతుందని గిల్లీ అభిప్రాయపడ్డాడు. బ్రెట్లీ ఇంగ్లాండ్ టూర్ను ఇష్టపడతాడు. అంతేకాకుండా అతను ఇప్పుడు పూర్తి ఫిట్నెస్తో ఉన్నాడు. వికెట్ల దాహంతోనూ ఉన్నట్లు కనిపిస్తున్నాడు. స్టువర్ట్ క్లార్క్కు కూడా అద్భుతంగా ఆడుతున్నాడని గిల్లీ పేర్కొన్నాడు. ఇంగ్లాండ్తో తొలి టెస్ట్ మ్యాచ్కు ఆస్ట్రేలియా స్పిన్నర్తో బరిలో దిగాలని ఈ సందర్భంగా సూచించాడు. | 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు