ప్రపంచ మాజీ హెవీవెయిట్ ఛాంపియన్ మైక్ టైసన్కు మళ్లీ జైలుశిక్ష పడింది. మాదకద్రవ్యం కొకైన్ను కలిగి, ఆ కారణంగా కారునడిపినందుకు టైసన్కు 24 గంటల పాటు జైలు శిక్ష విధిస్తూ.. అరిజోనాలోనే మెసా కోర్టు న్యాయమూర్తి మంగళవారం ఆదేశించారు. అంతేకాకుండా.. 360 గంటల పాటు సమాజిక కార్యక్రమాలు కూడా నిర్వహించాలని కోర్టు ఆదేశించింది.
నేరాన్ని చేసినట్టు టైసన్ గత సెప్టెంబరు నెలలో అంగీకరించాడు. గతంలో కూడా టైసన్ పలు నేరాలు చేశారని, అందువల్ల ఆయనకు ఏడాది కాలం శిక్ష విధించాలని పబ్లిక్ ప్రాసిక్యూటర్ వాదించాడు. అయితే.. న్యాయమూర్తి మాత్రం ఒక్క రోజు శిక్ష విధిస్తూ తీర్పు ఇచ్చారు. గతంలో టైసన్ నాలుగు సంవత్సరాల మూడు నెలల పాటు జైలు శిక్ష అనుభవించిన విషయం తెల్సిందే.
|
క్రీడలు > ఇతర క్రీడలు > వార్తలు 
