అమీలియా క్వార్టర్స్‌లో షరపోవా, మౌరెస్మో

అమీలియా ఐలాండ్ ఛాంపియన్‌షిప్ టోర్నీలో రష్యాకు చెందిన ప్రపంచ టాప్ ర్యాంకు అందాల కోవా మరియా షరపోవా, ప్రపంచ మాజీ ఛాంపియన్ ఫ్రాన్స్‌కు చెందిన అమీలీ మౌరెస్మోలు క్వార్టర్స్‌లోకి దూసుకెళ్లారు. అనాబెల్ మదీనా గారిగ్యూస్‌పై 7-6 (7/3), 5-7, 7-6 (7/1)తో షరపోవా జయకేతనం ఎగురవేసింది. అలాగే పోలెండుకు చెందిన ఆగ్నియెస్కా రద్వాన్‌స్కాపై 3-6, 7-5, 7-6తో మౌరెస్మో ఘనవిజయం సాధించింది. కాగా, రష్యాకు చెందిన ఆరో సీడ్ దినారా సఫీనాపై 7-6 (7/5), 0-6, 7-5తో గెలుపొందిన అలోనా బొండారెంకోతో షరపోవా క్వార్టర్స్‌లో తలపడనుంది. మరోవైపు క్రవోషియన్ క్వాలిఫయర్ కరోలినా స్పెర్మ్‌పై 6-4, 3-6, 6-4తో అమెరికాకు చెందిన లిండాసే డావెన్‌పోర్ట్ విజయం సాధించి ముందడుగు వేసింది. దీంతో ఈ టోర్నీలో డావెన్‌పోర్ట్ మూడు వరుస విజయాలను నమోదు చేసింది. వీరిద్దరి మధ్య మ్యాచ్ 49నిమిషాల పాటు సాగింది.