24 హాకీ స్టిక్లతో కూడిన అశోక చక్రాన్ని తలపించే విధంగా కొత్త లోగోను హాకీ ఇండియా (హెచ్ఐ) విడుదల చేసింది. హెచ్ఐ అధ్యక్షుడు ఏకే మాట్టూ, జనరల్ కార్యదర్శి మొహమ్మద్ అస్లామ్, సీనియర్ ఉపాధ్యక్షుడు విద్యా స్టోక్స్, చీఫ్ కోచ్ జోస్ బ్రాసా, కోచ్ హరేంద్ర సింగ్ మరియు భారత హాకీ జట్టు కెప్టెన్ సందీప్ సింగ్లు సంయుక్తంగా ఈ లోగోను ఆవిష్కరించారు.
24 ఆకులు గల ఈ ఆశోక చక్రం స్ఫూర్తికి చిహ్నమని హెచ్ఐ తెలిపింది. విలేకరులతో మాట్టూ మాట్లాడుతూ, అంతర్జాతీయ హాకీ సమాఖ్య (ఎఫ్ఐహెచ్) నుండి తమకు గుర్తింపు లభించిందని.. సరికొత్త ప్రణాళికలతో హెచ్ఐ విభిన్నంగా ముందుకు దూసుకెళుతుందన్నారు.
2010 హాకీ ప్రపంచకప్కు భారత్ ఆతిథ్యమివ్వనున్న నేపథ్యంలో దీనికి సంబంధించి పూర్తి బాధ్యతలు తమపై ఉన్నాయన్నారు. హెచ్ఐకు ఇది మరొక విజయంగా అభివర్ణించారు. కాగా, ప్రపంచకప్ టోర్నీకి ముందు పురుషుల, మహిళల అసోసియేషన్లను విలీనం చేసి మరియు ఓ ప్రత్యేక విభాగాన్ని ఏర్పాటు చేయాలని భారత్ను ఎఫ్ఐహెచ్ కోరింది.
ఈ ప్రతిపాదన మేరకు భారత్లో హెచ్ఐ ఏర్పాటయింది. సహారా ఇండియాతో స్పాన్సర్షిప్ గురించి అడగగా.. ఇప్పటి వరకు అలాంటి వేమీ లేవన్నారు. | 
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు