ఒలింపిక్స్లో పాల్గొనే క్రీడాకారుల కోసం నిర్మించే ఒలింపిక్ గ్రామంలో అన్ని రకాల సౌకర్యాలు అందుబాటులో ఉంటాయన్న విషయం తెలిసిందే. ఎందుకంటే పతకాల కోసం రేయింబవళ్లు శ్రమించే అథ్లెట్లు దేని కోసం వెతుక్కోకూడదనే ఈ ఏర్పాటు చేస్తారు. క్రీడాకారుల కోసం ఏర్పాటు చేసే సౌకర్యాల్లో క్రీడలకు సంబంధించిన వస్తువులే కాక క్రీడాకారుల వ్యక్తిగత అవసరాలకు సంబంధించిన వస్తువులు కూడా ఉంటాయి.
ఇలా వ్యక్తిగత అవసరాల కోసం ఉంచిన సౌకర్యాల్లో నిర్వాహకులు కండోమ్లను కూడా జత చేశారు. ఈ విషయమై నిర్వాహకులు మాట్లాడుతూ ఒలింపిక్ గ్రామంలో యవ్వన ప్రాయంలో ఉండే అనేకమంది క్రీడాకారులతో పాటు మరెంతో మంది ఉంటారు. ఈ సమయంలో వారి మధ్య ప్రేమలు ఏర్పడవచ్చు. అలాగే శృంగార పరమైన వాంఛలు కూడా ఏర్పడవచ్చు.
ఇలాంటి సమయాల్లో వారికి ఇబ్బందులు ఏర్పడకుండా ఉండడం కోసమే కండోమ్లను ఏర్పాటు చేసినట్టు వారు తెలిపారు. ప్రస్తుతం బీజింగ్ ఒలింపిక్స్ సందర్భంగా దాదాపు లక్ష కండోమ్లను అందుబాటులో ఉంచనున్నట్టు అధికారులు తెలిపారు. గతంలో నిర్వహించబడిన ఏథెన్స్ ఒలింపిక్స్లో వాడిన కండోమ్ల సంఖ్య కంటే ఈ సంఖ్య రెట్టింపుగా ఉంటుందని వారు పేర్కొన్నారు.
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
