గుంటూరు ఏటుకూరు రోడ్డు ప్రమాదం.. వైజాగ్ ట్రాఫిక్ డీసీపీ కుమార్తె మృతి.. స్నేహితులతో కలిసి?

Written By: సెల్వి

Updated: Mon, 10 Aug 2026 (10:44 IST)

Accident

గుంటూరు శివార్లలోని ఏటుకూరు సమీపంలో ఆదివారం సాయంత్రం జరిగిన రోడ్డు ప్రమాదంలో 24 ఏళ్ల యువతి మృతి చెందింది. మృతురాలిని విజయవాడ ట్రాఫిక్ డీసీపీ షరీన్ బేగం కుమార్తె షేక్ ఆసిఫాగా గుర్తించారు. వీకెండ్ కావడంతో ఆసిఫా తన స్నేహితులు రుత్విక్ (జిమ్ ట్రైనర్), అవినాష్, సుధీర్, వంశీలతో కలిసి ఆదివారం ఉదయం చీరాలకు వెళ్లారు. వారంతా తిరిగి తాడేపల్లికి వస్తుండగా ఏటుకూరు సమీపంలో ఈ ప్రమాదం జరిగింది. 

వారు ఆ ప్రాంతానికి చేరుకున్నప్పుడు, లారీ డ్రైవర్ ఒక్కసారిగా బ్రేక్ వేసినట్లు సమాచారం. కారు నడుపుతున్న అవినాష్ వాహనంపై నియంత్రణ కోల్పోవడంతో, కారు ముందుగా లారీని వెనుక వైపు నుంచి ఢీకొట్టి, ఆపై రోడ్డు డివైడర్‌ను బలంగా తాకింది. ప్రమాద సమయంలో కారులోని ఎయిర్‌బ్యాగ్‌లు తెరుచుకున్నాయి. 

అయితే, కారు వెనుక సీటులో కూర్చున్న ఆసిఫా తలకు తీవ్ర గాయాలయ్యాయి. హైవే పెట్రోలింగ్ సిబ్బంది ఘటనా స్థలానికి చేరుకుని క్షతగాత్రులను సమీపంలోని ఆసుపత్రికి తరలించారు. కానీ, అప్పటికే ఆసిఫా మరణించినట్లు వైద్యులు ధృవీకరించారు.

నల్లపాడు పోలీసులు ఘటనా స్థలానికి చేరుకుని లారీ డ్రైవర్‌ను అదుపులోకి తీసుకున్నారు. రుత్విక్ ఇచ్చిన ఫిర్యాదు మేరకు కేసు నమోదు చేసినట్లు నల్లపాడు ఎస్ఐ సుభాని తెలిపారు. దీనిపై తదుపరి విచారణ కొనసాగుతోంది.