అందమైన ప్రకృతి ప్రాంతం పట్టిసీమ

Munibabu| Last Modified సోమవారం, 29 సెప్టెంబరు 2008 (18:45 IST)
పశ్చిమగోదావరి జిల్లాలోని పోలవరం మండలానికి చెందిన పట్టిసీమ గ్రామాన్ని ఓ అందమైన ప్రకృతి ప్రాంతంగా చెప్పుకోవచ్చు. గోదావరి ఒడ్డున వెలసిన ఈ గ్రామం చక్కటి ఆహ్లాదకరమైన వాతావరణానికి నిలయంగా విలసిల్లుతోంది. కేవలం ప్రకృతి అందంతోనే కాకుండా ఓ సుప్రసిద్థ పుణ్యక్షేత్రంగా కూడా ఈ గ్రామం పేరు సంపాదించింది.

గ్రామం నుంచి కొద్ది దూరంలో గోదావరిలో దేవకూట పర్వతంపై వెలసిన వీరభద్రస్వామి, భావనారాయణ స్వామి వార్ల ఆలయాల వల్లే ఈ ఊరికి పేరు వచ్చిందంటే అతిశయోక్తి కాదు.

ఆలయ విశేషాలు
పాపి కొండల మధ్య సాగే గోదావరి నది ఒడ్డున ఉన్న చిన్న కొండపై ఈ వీరభద్రస్వామి దేవస్థానం కొలువై ఉంది. చుట్టూ గోదావరి మధ్యలో దేవాలయం ఉండడంతో ఇక్కటి వాతావరణం గంభీరంగానూ, అందంగానూ ఉంటుంది. అలాగే ప్రస్తుతం విస్తరణ పనుల్లో భాగంగా ఆలయం చుట్టూ పెంచిన చెట్ల పెంపకంతో ఈ ప్రాంతాన్ని సందర్శించిన వారిని ఈ దేవాలయం విశేషంగా ఆకర్షిస్తుంది.




దీనిపై మరింత చదవండి :