బంగారు నగలు ధరించి రీల్స్ చేసిన యూట్యూబర్ సెక్స్ కేసులో అరెస్టా?
తన వద్ద ఉన్న బంగారు ఆభరణాల ధరించి, తన వద్ద ఉన్న నోట్ల కట్టలను చూపిస్తూ రీల్స్ చేసి సోషల్ మీడియాలో పోస్ట్ చేసి రాత్రికి రాత్రి ఫేమస్ అయిన తమిళనాడు రాష్ట్రం నాగర్ కోయిల్‌కు చెందిన మహిళా యూట్యూబర్ సెక్స్ కేసులో అరెస్టు చేశారనే షాకింగ్ సమాచారం వెలువడింది. ఇది స్థానికంగా కలకలం రేపింది.
కన్నియాకుమారి జిల్లాకు చెందిన ప్రముఖ మహిళా యూట్యూబర్, నగలు, నగదు చూపిస్తూ రీల్స్ విడుదల చేసింది. ఆ తర్వాత ఆ బంగారు నగలు, నగదును దొంగలు చోరీ చేశారు. ఈ చోరీలో మొత్తం 118 సవర్ల బంగారు నగలను దొంగలు దోచుకున్నారు.
ఈ దోపిడీ కేసు మొత్తం సోషల్ మీడియా ప్లాట్‌ఫామ్‌లో చర్చనీయాంశంగా మారింది. ఈ దోపిడీ తర్వాత, ఆ మహిళా యూట్యూబర్ వీడియోలను లక్షలాది మంది చూశారు. ఆమె ఫాలోవర్ల సంఖ్య కూడా 5 లక్షలకు చేరుకుంది. దీని కారణంగా, దోపిడీ జరిగిన తర్వాత కూడా ఆ మహిళా యూట్యూబర్ డబ్బును విసిరేస్తూ, యధావిధిగా వీడియోలు పోస్ట్ చేసి ప్రపంచాన్ని షాక్‌కు గురిచేసింది.
ఈ నేపథ్యంలో ఈ దోపిడీ కేసులో ప్రమేయం ఉన్న వ్యక్తులను పోలీసులు అరెస్టు చేశారు. నగలను కూడా స్వాధీనం చేసుకున్నారు. అయితే, నగల స్వాధీనంలో ఇంకా కొన్ని అవకతవకలు ఉన్నాయి. స్వాధీనం చేసుకున్న ఆభరణాల మొత్తం నివేదించిన దానికంటే తక్కువగా ఉంది. దర్యాప్తు ఇంకా కొనసాగుతోంది. ఈ పరిస్థితిలో, ఈ యువతిని సెక్స్ కేసులో అరెస్టు చేసినట్టు జోరుగా ప్రచారం సాగుతోంది. ఇందులో వాస్తవమేంతో తెలియాలంటే పోలీసులు స్పందించాల్సివుంది.
