ఆ మహిళకు ఏమైంది.. ఐదేళ్ల బాలిక దారుణంగా దాడి చేసింది... వీడియో వైరల్
Woman_Girl
సీసీటీవీ ఫుటేజీలో, బాలిక రోడ్డుపై పరిగెడుతుండగా ఆమె తల్లి ఆమె వెనుక వస్తుండటం కనిపిస్తుంది. అప్పుడు అన్మోల్ అలియాస్ బోనిగా గుర్తించబడిన మహిళ బాలిక వైపు పరిగెత్తుకుంటూ వచ్చి, ఆమెను పట్టుకుని పదేపదే కొడుతుంది.
ఆ తర్వాత ఆమె బాలికను నేలకేసి విసిరికొట్టి, తన ఇంటి వైపు ఈడ్చుకెళ్తుంది. ఆ సమయంలో బాలిక తనను తాను విడిపించుకోవడానికి ప్రయత్నిస్తుంది. బాలిక తల్లి అక్కడికి చేరుకుని అడ్డుకోవడానికి ప్రయత్నించినప్పటికీ, ఆ మహిళ ఆమెను దూషించి, బెదిరించినట్లు సమాచారం. స్థానికులు అక్కడికి చేరుకుని, ఆ మహిళ నుండి బాలికను విడిపించారు.
అమానియా అనే ఆ బాలికకు కాళ్ళ సమస్య ఉండటంతో ఆమె ప్రత్యేకమైన పాదరక్షలు ధరిస్తుంది. ఇంటి అవసరాలకు సంబంధించిన వస్తువులు తెచ్చుకోవడానికి బయటకు వెళ్ళినప్పుడు ఆ మహిళ తన కుమార్తెపై దాడి చేసిందని బాలిక తండ్రి పంకజ్ మీడియాతో చెప్పారు. ఈ దాడికి గల కారణం తమకు తెలియదని ఆయన పేర్కొన్నారు.
అక్కడికి చేరుకున్న ఒక ట్యూషన్ టీచర్ బాలికను రక్షించడంలో సహాయపడ్డారని, ఇతర స్థానికులు కూడా జోక్యం చేసుకున్నారని పంకజ్ తెలిపారు. ఆ తర్వాత కుటుంబ సభ్యులు పోలీసులను ఆశ్రయించి, ఆ మహిళపై చర్యలు తీసుకోవాలని కోరారు. పోలీసులు సీసీటీవీ ఫుటేజీని స్వాధీనం చేసుకుని, ఆరోపణలపై దర్యాప్తు చేస్తున్నారు.
ఇప్పటికే, ఆ రెండు కుటుంబాల మధ్య పాత గొడవ ఉందని, సదరు బాలిక తల్లిపై తన కుమార్తెకు కోపం ఉందని అన్మోల్ తల్లి ఆరోపించారు. ఆ బాలిక తల్లి జోక్యం చేసుకుంటుందని భావించి, అన్మోల్ కోపంతో ఆ బాలికను వెంబడించిందని ఆమె పేర్కొన్నారు. విచారణ ఆధారంగా తదుపరి చర్యలు తీసుకుంటామని పోలీసులు తెలిపారు.
A woman allegedly assaulted a nearly five-year-old girl in the middle of a road in the Dharampura area of Joda Phatak on Thursday evening, with CCTV footage showing her repeatedly slapping the child, throwing her to the ground and dragging her towards her house.
— Hate Detector ???? (@HateDetectors) October 3, 2026
The incident… pic.twitter.com/2CdBTBKgmj
