కేన్స్‌లో షాకింగ్ ఘటన... మిస్ వెనిజులాపై స్టైలిస్ట్ కత్తెరతో దాడి.. ముఖంపై రక్తంతో.. వీడియో

Written By: సెల్వి

Updated: Fri, 22 May 2026 (16:32 IST)

Miss Venezuela

కేన్స్‌లో దిగ్భ్రాంతికి గురిచేసే ఘటన చోటుచేసుకుంది. కేన్స్‌లో మిస్ వెనిజులా ఆండ్రీ డెల్ వాల్‌పై ఆమె స్టైలిస్ట్ జియోవన్నీ లగునా కత్తెరతో దాడి చేసిన ఘటన సినీ లోకాన్ని షాక్‌కు గురిచేసింది. ముఖానికి రక్తపు మరకలతో ఆమె వీడియో తీసి ఎస్ఎంలో పోస్ట్ చేయగా వైరల్ అవుతోంది. రెడ్ కార్పెట్‌పై ప్రదర్శనకు ముందు హోటల్ రూమ్‌లో ఈ ఘటన జరిగినట్లు తెలుస్తోంది. నిందితుడు లగునా లాటిన్ అమెరికాలో పాపులర్ సెలబ్రిటీ స్టైలిస్ట్. బాధితురాలి ఫిర్యాదుతో పోలీసులు అతడిని అరెస్ట్ చేసి, దాడికి గల కారణాలపై దర్యాప్తు జరుపుతున్నారు. 

ఇద్దరి మధ్య గొడవకు అసలు కారణం ఏమిటనేది ఇంకా తెలియరాలేదు. దాడి అనంతరం 29 ఏళ్ల ఆండ్రియా డెల్ వాల్ తన ముఖానికి అయిన గాయాలను చూపిస్తూ సోషల్ మీడియాలో ఒక వీడియోను షేర్ చేశారు. ఆ వీడియోలో ఆమె ముఖం నుంచి రక్తం కారుతుండగా, తీవ్ర ఆవేదనతో కనిపించారు. 

వీడియోలో ఆ హోటల్ గది మొత్తం చిందరవందరగా, ఫర్నిచర్ చెల్లాచెదురుగా పడి ఉండటం కనిపించింది. అదే సమయంలో స్టైలిస్ట్ లగునా గదిలోని ఒక మూలన కుర్చీలో కూర్చుని ఉండటం గమనార్హం. 

హోటల్ గది నుంచి పెద్దగా అరుపులు, ఘర్షణ శబ్దాలు వినిపించడంతో ఇతర అతిథులు పోలీసులకు సమాచారం అందించారు. వెంటనే అక్కడికి చేరుకున్న పోలీసులు, 33 ఏళ్ల లగునాను అదుపులోకి తీసుకున్నారు. గాయపడిన ఆండ్రియాకు వైద్య చికిత్స అందించగా, ఆమెకు ఎలాంటి ప్రాణాపాయం లేదని తెలిసింది.

#VIDEO // Estilista de certámenes Giovanni Laguna fue arrestado en Francia tras propinarle una brutal golpiza a la reina de belleza Andrea Del Val, Miss Venezuela Global 2024. ???????????? pic.twitter.com/t2KCvluZmB

— Grupo Marmor (@Marmor_Informa) May 21, 2026