గూగుల్ ఉద్యోగులు.. పార్కింగ్ ఏరియాల్లోనే నిద్రపోయేస్తున్నారట!
గూగుల్ ఉద్యోగం వస్తే ఇక హాయే అని అందరూ అనుకుంటారు. ఐటీ జాబ్ ఆ ఎంజాయ్‌మెంటే వేరనుకుంటారు. ఖరీదైన కార్లు, ఫ్లాట్ల గురించి ఇక ప్రత్యేకంగా చెప్పనక్కర్లేదు. అయితే గూగుల్‌లో పనిచేసేవారు ఎక్కువ పని గంటలు శ్రమించాల్సిందే. వీరిలో చాలా మంది పార్కింగ్ లాట్లలోనే జీవితాన్ని గడిపేస్తున్నారని తెలిసింది. నిజంగానా అనుకుంటున్నారు కదూ.. మరి నమ్మి తీరాల్సిందే. కొందరు ఉద్యోగులు క్యాంపస్‌ను వదిలిపెట్టట్లేదట.
గూగుల్ ఆఫీసులోనే ఫ్రీ మీల్స్‌ ఆర్డరిచ్చి ఆరగిస్తున్నారట. జిమ్ వగైరా సదుపాయాలు కూడా ఎలాగూ అందుబాటులో ఉంటాయి. ఇక మిగిలింది నిద్రపోవడం ఒక్కటే. అందుకే పార్కింగ్ ప్లేసులు, ఆఫీసులో డెస్కుల కింద హాయిగా నిద్రపోతున్నారట. సంపాదించిన డబ్బును దాచుకోవాలని కొందరు ఇలా చేస్తుంటే.. యవ్వనంలో ఉన్నప్పుడే ఇలాంటివన్నీ సాధ్యమవుతాయని మరికొందరు అంటున్నారు.
