అరకులోయ... అంటేనే మన కళ్ల ముందు ప్రకృతి రమణీయత ప్రత్యక్షమవుతుంది. అంతెందుకు... ఈ ప్రదేశాన్ని సందర్శించిన వారు అరకును భూతల స్వర్గంగా అభివర్ణిస్తారు. అరకులోయకు, మన రాష్ట్రంలోనే కాదు, దేశంలోనూ ఓ అద్భుత పర్యాటక ప్రాంతంగా పేరుంది. విశాఖపట్నం జిల్లాకు చెందిన అరకు లోయ సముద్ర మట్టానికి 900 మీటర్ల ఎత్తులో ఉంటుంది. అరకులోయ అణువణువున ప్రకృతి రమణీయత తాండవిస్తుంది. అద్భుత పర్వత పంక్తులు ఇక్కడ దర్శనమిస్తాయి.