సాయం చేస్తానంటూ నమ్మించి యువతి నుంచి రూ.1.25 లక్షల చోరీ (Video)
హర్యానా రాష్ట్రంలో పట్టపగలు, బ్యాంకులో ఓ దారుణం జరిగింది. సాయం పేరుతో ఓ యువతిని నమ్మించిన ఓ వ్యక్తి.. ఆమె చేతిలో ఉన్న రూ.1.25 లక్షల నగదు బ్యాగుతో ఉడాయించాడు. దీనికి సంబంధించిన వీడియో ఒకటి ఇపుడు సోషల్ మీడియాలో చక్కర్లు కొడుతోంది. ఈ ఘటన హర్యానా రాష్ట్రం, జింద్ జిల్లా సఫిదో అనే ప్రాంతంలో జరిగింది.
మువానా గ్రామానికి చెందిన పాయల్ అనే యువతి రూ.1.25 లక్షలు డిపాజిట్ చేయడానికి సోదరుడితో కలిసి స్థానికంగా ఉండే భారతీయ స్టేట్ బ్యాంకుకు వెళ్లింది. ఆమె పక్కనే ఉన్న ఓ దొంగ సహాయం చేస్తున్నట్టుగా నమ్మంచి, నటించి రూ.1.25 లక్షలతో ఉన్న బ్యాంగును లాక్కొని ఉడాయించాడు.
తొలుత డిపాజిట్ ఫామ్ నింపిన ఆ దొంగ, ఉద్దేశ్యపూర్వకంగానే అకౌంట్ నంబర్‌ను తప్పుగా రాశాడు. అకౌండ్ నంబర్ తప్పుగా ఉండటం గమనించి క్యాషియర్ ఆ ఫామ్‌ను రిజెక్ట్ చేశాడు. అపుడు కొత్తగా మరో ఫామ్ నింపుతుండగా ఆ దొంగ రూ.1.25 లక్షల క్యాష్ బ్యాంగ్ తీసుకుని పారిపోయాడు. దీనికి సంబంధించిన దృశ్యాలు బ్యాంకులోని సీసీటీవీల్లో రికార్డు అయ్యాయి. బాధితురాలి ఫిర్యాదు మేరకు స్థానిక పోలీసులు కేసు నమోదు చేసి దొంగ కోసం గాలిస్తున్నారు.
