Vijay cycle yatra, అభిమాని పూలచెండు వేస్తే బాంబు వేశాడేమోనని సైకిలి వదిలేసి విజయ్ పరుగో పరుగు, వీడియో

Written By: దేవీ

Updated: Mon, 13 Apr 2026 (19:37 IST)

Thalapathy Vijay Cycle yatra

కన్యాకుమారిలో సైకిల్‌పై ప్రయాణిస్తూ ఓట్లు అభ్యర్థిస్తున్న భారతదేశపు మొట్టమొదటి రాజకీయ నాయకుడు తమిళ స్టార్ విజయ్‌గా పేరు పొందాడు. దళపతి విజయ్ సైకిల్ యాత్రలో ఈ సందర్భంగా ఓ ఆసక్తికర సంఘటన జరిగింది. విజయ్ సైకిల్ పైన వస్తుండగా ఆయన పార్టీకి చెందిన వ్యాన్, సెక్యూరిటీ ఇరువైపులా నిఘాతో వున్నారు. అయితే కొంతదూరం రాగానే షడెన్ ఓ వ్యక్తి ఆయనకు ఎదురుగా వచ్చి పైనుంచి పూలు విసిరాడు. అవి పెద్ద పూలు కావడంతోపాటు బాంబులా భావించి వెంటనే సైకిల్ వదిలేసి వెనకడుగువేశారు. వెంటనే ఆయన సిబ్బంది ఆయన్ను రక్షణగా నిలబడ్డారు. ఆ వ్యక్తిని పట్టుకున్నారు.

THIS WAS UNEXPECTED pic.twitter.com/QKwgBLJBie

— Actor Vijay Team (@ActorVijayTeam) April 12, 2026

​అభిమానులు తమ ప్రేమను ఒక్కోసారి ఊహించని రీతిలో చూపిస్తుంటారు. తాజాగా దళపతి విజయ్‌కు ఇలాంటి ఓ విచిత్ర అనుభవమే ఎదురైంది. సైకిల్ యాత్ర చేస్తున్న విజయ్ పై ఓ అభిమాని తన అభిమానాన్ని చాటుకుంటూ పూలు విసిరాడు. ​కానీ, సడెన్ గా తనపై ఏదో వచ్చి పడటంతో.. అది బాంబు లేదా మరేదైనా ప్రమాదకరమైన వస్తువు అనుకుని విజయ్ ఒక్కసారిగా ఉలిక్కిపడి తీవ్రంగా భయపడిపోయారు.

వెంటనే అప్రమత్తమైన సెక్యూరిటీ, ఆ తర్వాత అది కేవలం పూలు అని తెలుసుకోవడంతో అందరూ ఊపిరి పీల్చుకున్నారు. ​దీనికి సంబంధించిన వీడియో ఇప్పుడు సోషల్ మీడియాలో తెగ వైరల్ అవుతోంది. ఎంత పెద్ద స్టార్ హీరో అయినా.. భద్రతా కారణాల దృష్ట్యా సడెన్ గా అలా భయపడటం మానవ సహజమే కదా అని నెటిజన్లు కామెంట్స్ చేస్తున్నారు.