సంబంధిత వార్తలు
- కాంగ్రెస్ వెన్నుపోటు పొడిచింది - మోడీ వరుస విజయాలకు కాంగ్రెస్ అసమర్థత : ఉదయనిధి స్టాలిన్
- టీవీకే ప్రభుత్వ శుభవార్త... వచ్చే బిల్లింగ్ సైకిల్ నుంచే ఉచిత విద్యుత్ పథకం అమలు
- డ్రగ్స్, యువతి కోసమే విజయవాడలో యువకుల థార్ జీపులతో ఢీకొట్టుకున్నారట
- అయ్యా సీఎం విజయ్ నీ ఉచిత కరెంట్ మాకొద్దు, డబ్బులిస్తాం ఇవ్వు నాయనా: తమిళనాడులో మొదలైన అసంతృప్తి, వీడియో
- సీఎం హోదాలో ఢిల్లీకి విజయ్.. ఆర్థిక సహాయం కోసం హస్తినకు..
బెంగుళూరు మున్సిపాలిటీ కార్పొరేషన్ ఎన్నికలపై సీఎం విజయ్ దృష్టి!
ఇటీవల తమిళనాడు రాష్ట్ర శాసనసభకు జరిగిన ఎన్నికల్లో ఘన విజయం సాధించి అధికారంలోకి వచ్చిన టీవీకే అధ్యక్షుడు విజయ్ ఇపుడు కర్నాటకపై ఫోకస్ చేశారు. ఇందులోభాగంగా, బెంగుళూరు మున్సిపల్ కార్పొరేషన్ ఎన్నికల్లో పోటీ చేయడం ద్వారా ఆ రాష్ట్రంలో కూడా టీవీకే జెండాను ఎగురవేయాలని భావిస్తున్నారు.
దేశ ఐటీ నగర రాజధానిగా బెంగుళూరు నగరం వెలుగొందుతోంది. ఇక్కడ కన్నడ వాసులతో పాటు లక్షలాది మంది తమిళ ప్రజలు కూడా నివసిస్తున్నారు. పైగా, కర్నాటక వ్యాప్తంగా, ముఖ్యంగా బెంగుళూరు నగరంలో విజయ్కు భారీ సంఖ్యలో అభిమానులు ఉన్నారు. ఆయనకు బలమైన మాస్ ఫాలోయింగ్ కూడా ఉంది.
ఇటీవల తమిళనాడు అసెంబ్లీ ఎన్నికల్లో ఘన విజయం సాధించిన టీవీకే పార్టీ ఇపుడు పొరుగు రాష్ట్రమైన కర్నాటకపై దృష్టిసారించడం సంచలనంగా మారింది. టీవీకే రాష్ట్రంలో పోటీ చేసిన తొలిసారే అధికారంలోకి రావడంతో బెంగుళూరు నగర వ్యాప్తంగా విజయ్ అభిమానులు భారీ ఎత్తున సంబరాలు జరుపుకున్నారు. దీంతో బెంగుళూరులోని అభిమానులను ఓటు బ్యాంకుగా మార్చుకునేందుకు విజయ్ ప్లాన్ వేశారు.
కర్నాటక రాజకీయాల్లో టీవీకే ఎంట్రీ ఇస్తుందనే వార్తలు బెంగుళూరు రాజకీయాల్లో ఇపుడే ప్రకంపనలు సృష్టిస్తున్నప్పటికీ దీనిపై విజయ్ నుంచి ఎలాంటి అధికారిక ప్రకటన వెలువడలేదు. పార్టీని ఇతర దక్షిణాది రాష్ట్రాలకు విస్తరించే వ్యూహంలో భాగంగానే ఈ ముందుడుగు ఉండబోతోందని, త్వరలోనే బెంగుళూరు ఎన్నికల పోటీపై టీవీకే స్పష్టత ఇచ్చే అవకాశం ఉందని పరిశీలకులు అంచనా వేస్తున్నారు.
