స్పోర్ట్స్ బైక్ పైన యువతీయువకులు రీల్స్... డివైడర్‌ను ఢీకొట్టి యువతి మృతి, వీడియో

BY: ఐవీఆర్

Publish: Tue, 14 Apr 2026 (21:22 IST) Updated: Tue, 14 Apr 2026 (21:26 IST)

తల్లిదండ్రులు ఎంతో ప్రాణప్రదంగా పెంచిపెద్ద చేస్తారు తమ పిల్లల్ని. ఐతే యుక్తవయస్సుకి వచ్చాక తల్లిదండ్రుల మాటలను పెడచెవిన పెట్టడమే కాకుండా వారికి వ్యధను కల్గించే పనులు చేస్తుంటారు కొంతమంది పిల్లలు. ముఖ్యంగా ఇటీవలి కాలంలో యువతీయువకులు రీల్స్ పిచ్చిలో ఎక్కువ కొట్టుకుపోతున్నారు.

అలా ఉత్తరప్రదేశ్ ఘజియాబాదులో ఇద్దరు యువతీయువకులు జాతీయ రహదారిపై ద్విచక్ర వాహనంపై చేసిన ఫీట్స్ వారి ప్రాణాల మీదికి తెచ్చింది. ఇక్రా అనే యువతి స్నేహితుడు హసీం తన స్పోర్ట్స్ బైకుని ఆమెతో నడిపించాడు. యువతి నడుపుతుండగా అతడు రీల్స్ కోసం వీడియో తీస్తున్నాడు. అతివేగంగా వెళ్తూ వీడియో కోసం యువతి కెమేరా వైపుకి చూసింది. దీనితో వాహనంపై నియంత్రణను కోల్పోయి డివైడర్‌ను ఢీకొట్టింది.

ఈ ఘటనలో యువతీయువకులు తీవ్ర గాయాలపాలయ్యారు. ఆసుపత్రిలో చికిత్స పొందుతూ యువతి ప్రాణాలు కోల్పోయింది. యువకుడి పరిస్థితి విషమంగా వున్నట్లు వైద్యులు తెలిపారు.

బైక్ పై రీల్స్ చేస్తూ యువతి మృతి

ఉత్తర్‌ప్రదేశ్‌ గాజియాబాద్‌లో విషాదం

రీల్స్‌ చేసేందుకు తన ఫ్రెండ్ తో కలిసి నేషనల్ హైవే పైకి వెళ్లిన ఇక్రా అనే యువతి

యువతి స్పీడ్ గా స్పోర్ట్స్ బైక్‌ నడిపిస్తుండగా.. హసీం వెనుక కూర్చొని వీడియో చిత్రీకరణ

వీడియో కోసం వెనక్కి తిరిగిన ఇక్రా..… pic.twitter.com/LDzwwP7tdc

— BIG TV Breaking News (@bigtvtelugu) April 14, 2026