ట్రినిడాడ్ అండ్ టొబాగోలో దీపావళి వేడుకలు

Diwali
Ganesh|
FILE
ట్రినిడాడ్ అండ్ టొబాగోలో భారత సంతతి ప్రజలు దీపావళి వేడుకలను వైభవంగా జరుపుకున్నారు. రంగు రంగుల దీపాలు, బాణా సంచా పేల్చుతూ ఉత్సాహంగా సంబరాలు చేసుకున్నారు. కాగా... దీపావళి పర్వదినాన్ని ట్రినిడాడ్ అండ్ టోబాగో ప్రవాస భారతీయులు 164 సంవత్సరాలుగా క్రమం తప్పకుండా జరుపుకుంటుండటం విశేషంగా చెప్పవచ్చు.

ట్రినిడాడ్ అండ్ టొబాగోలో అత్యధిక సంఖ్యలో ప్రవాస భారతీయులు నివసిస్తున్న కారణంగా... 1966వ సంవత్సరంలో అక్కడి ప్రభుత్వం దీపావళి పండుగ రోజును సెలవుదినంగా ప్రకటించింది. ఈ సందర్భంగా మాంసాహారం, ఆల్కహాల్‌ జోలికి వెళ్లని ప్రజలు పూర్తిగా హిందూ సాంప్రదాయాలను పాటిస్తూ వేడుకల్లో పాల్గొంటారు. పండుగ రోజున బంధువులు, స్నేహితులు, సన్నిహితులను కలిసి పరస్పరం అభినందనలు తెలియజేసుకుంటూ.. స్వీట్లను పంచుకుని ఆనందంగా గడుపుతారు. ఈ వేడుకల్లో ముస్లిం, క్రిస్టియన్ ప్రజలు కూడా పాల్గొనటం మరే విశేషం.

ఇదిలా ఉంటే... 1845-19117 సంవత్సరాల మధ్యకాలంలో ట్రినిడాడ్ అండ్ టొబాగోలో చెరకు తోటల్లో పనిచేసేందుకుగానూ.. బీహార్, ఉత్తరప్రదేశ్ ప్రాంతాల నుంచి పెద్ద ఎత్తున వెళ్లిన భారతీయులు అక్కడే స్థిరపడ్డారు. దీంతో ఇక్కడి జనాభాలో 24 శాతం మందికిపైగా ఉన్న భారత సంతతి ప్రజలు.. దీపావళితోపాటు అన్ని హిందూ పండుగలను ఘనంగా నిర్వహిస్తుంటారు.


దీనిపై మరింత చదవండి :