ప్రముఖ బాలీవుడ్ నటి నందితాదాస్ తొలిసారిగా దర్శకత్వం వహించి, నిర్మించిన ఫిరాఖ్ చిత్రంపై పాకిస్థాన్లో ప్రశంసల వర్షం కురిసింది. 2002లో జరిగిన గుజరాత్ హింసాత్మక నేపథ్యంలో తీసిన ఈ చిత్రం.. పాక్లోని ఏడవ 'కారా ఫిల్మ్ ఫెస్టివల్'లో ఉత్తమ చిత్రంగా ఎంపికైంది. ఈ సందర్భంగా నందితాదాస్ మాట్లాడుతూ... ముంబయి పేలుళ్ల తర్వాత ఫిరాఖ్ చిత్రాన్ని పాకిస్థాన్లో ప్రదర్శించటం అవసరంగా భావించాననీ, ఇందుకోసం కరాచీకి రావడానికి తాను ఎంతో శ్రమపడ్డానని పేర్కొన్నారు. ఇరుదేశాల మధ్య మళ్లీ మంచి సంబంధాలు కొనసాగాలని ఆమె ఆశాభావం వ్యక్తం చేశారు.