ఆరోగ్యాన్ని ప్రసాదించే గుణదల కొండ మేరీమాత

Munibabu| Last Modified సోమవారం, 28 జులై 2008 (12:58 IST)
ఆంధ్రప్రదేశ్‌లోని విజయవాడలో గల గుణదల కొండ మేరీ మాతను దర్శిస్తే సంపూర్ణ ఆరోగ్యం చేకూరుతుందని భక్తుల విశ్వాసం. అందుకే క్రీస్తు తల్లిగా పిలవబడే మేరీ మాత ఆలయమున్న ఈ ప్రాంతానికి క్రైస్తవులతో పాటు వివిధ మతాలకు చెందినవారు సైతం విచ్చేస్తుంటారు.

గుణదల కొండపై వెలసిన మేరీమాతను దర్శిస్తే వ్యాధులు నశించి ఆరోగ్యం సమకూరడమే కాకుండా జీవితంలో సకల సుఖాలు కల్గుతుందని భక్తులు చెబుతుంటారు. ఈ కారణంగానే ఫిబ్రవరి నెలలో జరిగే మూడురోజుల ఉత్సవాలకు దేశవ్యాప్తంగా ఉన్న క్రైస్తవులు, క్రైస్తవేతరులు ఈ కొండకు వస్తుంటారు.

తిరుణాల సందర్భంగా లక్షల సంఖ్యలో గుణదల కొండకు వచ్చే భక్తులతో ఈ ప్రాంతం విశేష ప్రాముఖ్యాన్ని సంపాదించుకుంది.

గుణదల కొండ విశేషాలు
ఈ కొండ పైభాగాన ఉన్న సహజసిద్ధ గుహలో మేరీమాత విగ్రహం ఏర్పాటు చేయబడి ఉంది. ఈ కొండపైకి చేరుకునే దారిలో దాదాపు 12 ప్రదేశాల్లో క్రీసును శిలువ వేసిన ముఖ్య విశేషాలను వివరిస్తూ స్థూపాలు ఏర్పాటు చేయబడి ఉన్నాయి. ఈ స్థూపాలు భక్తులను విశేషంగా ఆకర్షిస్తాయి.




దీనిపై మరింత చదవండి :