వెంకటేశ్వరుడు కొలువైన కురుమూర్తి

Munibabu| Last Modified శుక్రవారం, 26 సెప్టెంబరు 2008 (18:45 IST)
శ్రీవెంకటేశ్వరుడు ఏడుకొండలపై భక్తుల కోసం వెలసిన దివ్యక్షేత్రం కురుమూర్తి. మహబూబ్ నగర్‌ జిల్లాలోని చిన్న చింతకుంట మండలంలో వెలసిన ఈ పుణ్యక్షేత్రానికి ఆ ప్రాంతంలో విశేషమైన ప్రాముఖ్యం ఉడడం విశేషం. కలియుగ ప్రత్యక్ష దైవంగా తిరుమల కొండపై వెలసిన శ్రీవారికి కురుమూర్తిలో వెలసిన స్వామివారికి అనేక విషయాల్లో పోలిక ఉండడం ఈ క్షేత్రానికి సంబంధించిన మరో విశేషం.

దేవాలయ విశేషాలు
ఏడు కొండలపైన కొలువైన కురుమూర్తి శ్రీవెంకటేశ్వరుని దేవాలయాన్ని క్రీ.శ. 1268 ప్రాంతంలో నిర్మించినట్టుగా చరిత్ర చెబుతోంది. ఆ కాలంలో ముక్కెర వంశ మూలపురుషుడైన గోపాలరాయుడు ఈ దేవాలయాన్ని నిర్మించాడని... తర్వాతి కాలంలో చంద్రారెడ్డి అభివృద్ధి పరిచాడని ఇక్కడి శిలా శాసనాలు చెబుతున్నాయి.

వీరిద్దరి తర్వాత సోమ భూపాలరావు కొండపైన నిర్మించబడ్డ ఈ ఆలయానికి మెట్లను నిర్మించాడని చెబుతారు. కురుమూర్తిలో కొలువైన ఈ వెంకటేశ్వరునికి నిర్వహించే వివిధ ఉత్సవాల్లో బ్రహ్మోత్సవాల సందర్భంగా జరిపే ఉద్దాల ఊరేగింపు ముఖ్యమైంది. ఏటా జరిగే బ్రహ్మోత్సవాల సందర్భంగా నిర్వహించబడే ఈ ఉద్దాల ఊరేగింపు సందర్భంగా కొత్తగా తోలుతో తయారు చేయబడిన పాదుకలను స్వామివారి కోసం ఊరేగింపుగా తీసుకుని వస్తారు.




దీనిపై మరింత చదవండి :