భూగర్భంలో ఏర్పాటు చేసిన ఈ అండర్ సీ వరల్డ్లో అనేక సముద్ర ప్రాణుల్ని సజీవంగా చూసే ఏర్పాటు ఉంది. ఇక్కడ రాత్రివేళలో అద్భుతమైన లేజర్ షోలు జరుగుతూ ఉంటాయి. సింగపూరు సముద్ర తీరాన రేవు (హార్బర్) నుండి క్రూయిజ్లలో సగం రోజు టూర్, దీర్ఘకాల అంటే రెండు నుండి మూడు రోజుల పడవ ప్రయాణం చేయవచ్చును. ఈ టూర్లో సింగపూర్లో భాగమైన ఇతర దీవులను సందర్శించవచ్చు. అలాగే, సముద్రతీరంలో డాల్ఫిన్ షోలను వీక్షించవచ్చు.