సంబంధిత వార్తలు
- పూర్పవర్ గోదావరిలో వ్యూహాత్మక షోరూమ్ ప్రారంభం
- పవర్ స్టార్ పవన్ కళ్యాణ్ వీరాభిమాని నిరంజన్ మృతి...
- పత్తి రైతులు కలుపు నిర్వహణతో ఇబ్బందులు; కలుపు నియంత్రణకు గోద్రేజ్ ఆగ్రోవెట్ వారి హిట్వీడ్ మ్యాక్స్
- సుగాలి ప్రీతి కేసు: డిప్యూటీ సీఎం పవన్ కల్యాణ్ పైన సుగాలి ప్రీతి తల్లి పోలీసులకు ఫిర్యాదు
- ప్రేమించి దూరం పెట్టిందని టెక్కీని హత్య చేసిన ముగ్గురు పిల్లల తండ్రి!
ఆ దేవుడు పవన్ కల్యాణ్ వచ్చిండు, నా కొడుకు నిమ్మళమయ్యుండు: నిరంజన్ తండ్రి వీడియో
ఏపీ డిప్యూటీ సీఎం పవన్ కల్యాణ్ వీరాభిమాని నిరంజన్ అరుదైన వ్యాధితో కన్నుమూసిన సంగతి తెలిసిందే. పవన్ కల్యాణ్ ఇటీవలే అతడిని కలిసి అతడి కోరినవన్నీ నెరవేర్చారు. నిరంజన్ తండ్రి మాట్లాడుతూ... వాడు అనుకున్న చివరి కోరిక నెరవేరింది. ఆ దేవుడొచ్చిండు. నా కొడుకు నిమ్మళమైండు. చాల్రా ఈ కష్టాలు పడకరా నాన్న అని దీవించిండు. వాడకది చాలు సార్, ఆ దేవుడు పవన్ కల్యాణ్. నా దేవుడు పవన్ కల్యాణ్ను మనస్ఫూర్తిగా నమ్ముతున్నా అంటూ ఉద్వేగంగా చెప్పారు.
అంత బాధ లో కూడా
— Sreedhar Adabala (@SreedharAdabala) July 8, 2026
ఒక తండ్రి స్థితప్రజ్ఞత
ఒక భగవద్గీత చదివినంత
బావోద్వేగిత జీవిత సారాంశం ఇది
ఆ బిడ్డ ఏ లోకం లో ఉన్న
తండ్రి ధైర్యాన్ని చూసి సాంత్వన పొందుతాడు
Thank You @PawanKalyan
Your presence injected this strength pic.twitter.com/sAZy8qAXoT
నిరంజన్ ఇక లేడనే వార్త నా హృదయాన్ని తీవ్రంగా కలచివేసింది: పవన్ కల్యాణ్
కొద్ది రోజుల క్రితం హనుమకొండలో నిరంజన్ ఇంటికి వెళ్లి కలిసిన ఆ క్షణాలు ఇంకా నా మదిలో సజీవంగానే ఉన్నాయి. తీవ్రమైన అనారోగ్యంతో పోరాడుతూనే నా కోసం ఎదురుచూసిన ఆ చిన్నారి… నన్ను చూడగానే అతని ముఖంపై విరిసిన ఆ చిరునవ్వు… ఇవన్నీ ఎప్పటికీ మరువలేని జ్ఞాపకాలుగా నిలిచిపోతాయి.
అతని శరీరం వ్యాధితో పోరాడినా, అతని మనసు మాత్రం అపారమైన ధైర్యంతో నిలిచింది. అంతటి బాధను అనుభవిస్తూ కూడా జీవితం పట్ల అతను చూపిన ఆశ, ఆత్మవిశ్వాసం ఎంతో విలువైనవి. అలాంటి ధైర్యవంతుడైన చిన్నారి ఇంత త్వరగా మనల్ని విడిచి వెళ్లిపోవడం ఎంతో బాధాకరం.
నిరంజన్ కుటుంబ సభ్యులకు నా ప్రగాఢ సానుభూతిని తెలియజేస్తున్నాను. తీరని దుఃఖాన్ని భరించే శక్తిని భగవంతుడు వారికి ప్రసాదించాలని ప్రార్థిస్తున్నాను.
ప్రియమైన నిరంజన్… నువ్వు చూపించిన చిరునవ్వు, ధైర్యం, నువ్వు పంచిన ప్రేమ నా హృదయంలో ఎప్పటికీ నిలిచిపోతాయి. నీ ఆత్మకు శాంతి చేకూరాలని భగవంతుడిని ప్రార్థిస్తున్నాను అని పవన్ కల్యాణ్ పేర్కొన్నారు.
