శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By ఠాగూర్
Last Updated : శనివారం, 31 జులై 2021 (16:19 IST)

'మగధీర'కు ఓ పుష్కరం : బయ్యర్లకు లాభాల పంట పండించిన మూవీ

మెగా పవర్ స్టార్ రామ్ చరణ్ - కాజల్ అగర్వాల్ కాంబినేషన్‌లో దర్శక ధీరుడు రాజమౌళి తెరకెక్కించిన చిత్రం 'మగధీర'. ఈ చిత్రం విడుదలై నేటికి 12 సంవత్సరాలు ఈ చిత్రం గత 2009 జూలై 31వ తేదీన విడుదలైంది. 
 
రూ.40 కోట్ల బడ్జెట్‌తో ప్రముఖ నిర్మాత అల్లు అరవింద్ తన సొంత నిర్మాణ సంస్థ గీతా ఆర్ట్స్ బ్యానరుపై ఈ సినిమాను నిర్మించారు. అప్పట్లో ఈ సినిమాకు భారీ బడ్జెట్ పెట్టారు అని చాలా మంది విమర్శించినా కూడా.. అనుకున్నది చేసి చూపించారు రాజమౌళి. బాక్సాఫీసు వ‌ద్ద‌ రూ80 కోట్ల కలెక్షన్లు వసూలు చేసి బాలీవుడ్ కూడా బిత్తరపోయేలా చేసింది. 
 
చిరుతతో బిగ్ స్క్రీన్‌పై ఎంట్రీ ఇచ్చిన రాం చరణ్ రెండో ప్రయత్నంలో ఏకంగా ఇండస్ట్రీ రికార్డులు తిరగ రాసిన చిత్రంగా మగధీర మిగిలిపోయింది.  పైగా, మెగాస్టార్ చిరంజీవిగా చెర్రీ గుర్తింపుపొందారు. అప్పటివరకు తెలుగు సినిమా కలలో కూడా చూడని కలెక్షన్లు మనకు పరిచయం చేసింది ఈ చిత్రం. పునర్జన్మ నేపథ్యంలో రాజమౌళి ఈ చిత్రాన్ని అద్భుతంగా తెరకెక్కించారు. 
 
మగధీర చిత్రానికి కేవలం 40.42 కోట్ల థియేట్రికల్ బిజినెస్ జరిగింది. ఇన్ని కోట్లు వసూలు చేస్తుందా అనే అనుమానాలకు తెరదించుతూ.. 77.96 కోట్ల షేర్ ను తీసుకొచ్చింది. ఈ చిత్రం బయ్యర్లకు 37.54 కోట్ల భారీ లాభాలు దక్కాయి.