72వ జాతీయ చలనచిత్ర అవార్డుల్లో రెండు ప్రతిష్ఠాత్మక పురస్కారాలు అందుకున్న బ్రహ్మయుగం
నైట్ షిఫ్ట్ స్టూడియోస్, వై నాట్ స్టూడియోస్ నిర్మించిన ‘బ్రహ్మయుగం’ చిత్రం 72వ జాతీయ చలనచిత్ర అవార్డులు (2024)లో రెండు ప్రతిష్ఠాత్మక పురస్కారాలను అందుకున్నది. ఈ చిత్రానికి లభించిన అవార్డులు:
ఉత్తమ ప్రధాన నటుడు- మమ్ముట్టి
ఉత్తమ సినిమాటోగ్రఫీ- షెహ్నాద్ జలాల్
‘కొడుమోన్ పొట్టి’ పాత్రలో అసాధారణ నటనతో ప్రేక్షకులను, విమర్శకులను విశేషంగా ఆకట్టుకున్న శ్రీ మమ్ముట్టి గారికి హృదయపూర్వక అభినందనలు తెలియజేస్తున్నాము. అలాగే, తన అద్భుతమైన ఛాయాగ్రహణంతో చిత్రానికి ప్రత్యేకమైన దృశ్య వైభవాన్ని అందించిన షెహ్నాద్ జలాల్ గారికి ప్రత్యేక అభినందనలు.
ఈ ప్రతిష్ఠాత్మక గౌరవానికి ఎంపిక చేసిన భారత ప్రభుత్వ సమాచార & ప్రసార మంత్రిత్వ శాఖ, డైరెక్టరేట్ ఆఫ్ ఫిల్మ్ ఫెస్టివల్స్, నేషనల్ ఫిల్మ్ డెవలప్మెంట్ కార్పొరేషన్ (NFDC) మరియు 72వ జాతీయ చలనచిత్ర అవార్డుల జ్యూరీ సభ్యులకు మా హృదయపూర్వక కృతజ్ఞతలు.
అదేవిధంగా, ఈ ఏడాది జాతీయ చలనచిత్ర అవార్డులు అందుకున్న విజేతలందరికీ మా హృదయపూర్వక అభినందనలు. వారి విశిష్ట కృషి భారతీయ సినీ పరిశ్రమకు స్ఫూర్తినిస్తూ, భారతీయ సినిమా ప్రతిష్ఠను మరింత ఉన్నత స్థాయికి తీసుకెళ్తోంది.
ఈ రెండు జాతీయ అవార్డులు నైట్ షిఫ్ట్ స్టూడియోస్ మరియు వై నాట్ స్టూడియోస్కు గర్వకారణం. భారతీయ సంస్కృతి మూలాలను ప్రతిబింబించే, ప్రపంచవ్యాప్తంగా ప్రేక్షకులను ఆకట్టుకునే విలక్షణమైన చిత్రాలను నిర్మించాలనే మా సంకల్పానికి ఇవి మరింత బలాన్ని చేకూరుస్తున్నాయి.
విడుదలైనప్పటి నుంచి ‘బ్రహ్మయుగం’ దేశీయంగానే కాకుండా అంతర్జాతీయంగానూ విశేష ప్రశంసలు అందుకుంది. ఈ చిత్రం 55వ భారత అంతర్జాతీయ చలనచిత్రోత్సవం (IFFI)లో ఇండియన్ పనోరమా విభాగానికి ఎంపిక కావడంతో పాటు, లాస్ ఏంజెల్స్లోని అకాడమీ మ్యూజియం ఆఫ్ మోషన్ పిక్చర్స్లో ప్రత్యేక ప్రదర్శనకు ఎంపికైంది. అలాగే 2024 కేరళ రాష్ట్ర చలనచిత్ర అవార్డుల్లో పలు పురస్కారాలు అందుకుని, జాతీయ, అంతర్జాతీయ వేదికలపై తన ప్రత్యేక గుర్తింపును కొనసాగిస్తోంది అని చిత్ర నిర్మాతలు తెలిపారు.
