Janhvi Kapoor : సినిమా అనేది ప్రజలకు చేసే సేవ : జాన్వీ కపూర్

BY: దేవీ

Publish: Mon, 1 Jun 2026 (16:34 IST) Updated: Mon, 1 Jun 2026 (16:38 IST)

Janhvi Kapoor

తన రాబోయే తెలుగు చిత్రం పెద్ది విడుదలకు సిద్ధమవుతున్న సందర్భంగా 29 ఏళ్ల జాన్వీ కపూర్ న్యూఢిల్లీ లోని IANSతో  మాట్లాడుతూ పలు విషయాలు వెల్లడించారు. సినిమాలో నటించడం ప్రేక్షకులను మెప్పిండం కోసం చేసే సేవ అని విశ్లేషించారు. సినిమా నిర్మాణం అనేది అంతిమంగా ప్రేక్షకులకు చేసే ఒక సేవ అని అభిప్రాయపడ్డారు.

కొంతమంది ప్రజలు తొందరపడి తీర్పులు ఇచ్చే అవకాశం ఉన్నప్పటికీ, వారి అభిప్రాయాలు చాలా ముఖ్యమని, ఎందుకంటే అవి కళాకారులు తమ నైపుణ్యాన్ని మెరుగుపరుచుకోవడానికి మరియు మరింత మెరుగైన రచనలను సృష్టించడానికి సహాయపడతాయని ఆమె పేర్కొన్నారు.

సినిమాలను చూడకుండానే వాటిపై సోషల్ మీడియా వినియోగదారుల సంస్కృతి గురించి మాట్లాడుతూ, మరణశాసనాలు రాసే కొందరు అంటూ పేర్కొన్నారు. సోషల్ మీడియా వినియోగదారుల సంస్కృతి  సినిమా పట్ల తీవ్ర వ్యతిరేకత చూపించేట్లుగా వుంటుందని వాటిని వారు మార్చుకోవాలని చెప్పారు. ఏ  సినిమా అయినానిజాయితీతో మరియు మంచి ఉద్దేశంతో రూపొందిస్తే, అది కచ్చితంగా చేరాల్సిన ప్రేక్షకులను చేరుతుందని అన్నారు.

అంతేకాకుండా, మేము సినిమాలను ప్రేక్షకులను చేరుకోవడానికి, వారిని అలరించడానికి రూపొందిస్తున్నాము. కాబట్టి వారు ఏమనుకుంటున్నారో లేదా ఏం చెబుతున్నారో మేము పూర్తిగా విస్మరించలేము. నా ఉద్దేశంలో, ప్రేక్షకులే దైవం అని నేను భావిస్తాను; మేము కేవలం వారికి సేవ చేయడానికి, వారిని సంతృప్తి పరచడానికి ప్రయత్నిస్తున్నాము."

"కాబట్టి, వారి అభిప్రాయాలన్నింటికీ మా స్వాగతం. ఒకవేళ ఆ అభిప్రాయాల వల్ల మేము మరింత మెరుగైన రచనలను రూపొందించగలిగితే, మేము వాటన్నింటినీ స్వీకరిస్తాము," అని ఆమె ముగించారు.

"పెద్ది" చిత్రం బుచ్చి బాబు సానా దర్శకత్వం వహించారు. ఈ చిత్రంలో బొమన్ ఇరానీ, శివ రాజ్‌కుమార్, జాన్వీ కపూర్, జగపతి బాబు మరియు దివ్యేందు నటించారు. ఈ చిత్రం జూన్ 4న విడుదల కానుంది.