లక్షలకు లక్షలు పారితోషికం తీసుకున్న వరలక్ష్మి ప్రమోషన్‌కు డుమ్మా కొట్టారు.. (Video)

Written By: ఠాగూర్

Updated: Wed, 10 Jun 2026 (19:42 IST)

ప్రముఖ నటి వరలక్ష్మిపై 'పోలీస్ కంప్లైట్' చిత్ర దర్శకుడు సంజీవ్ మేగోటి సంచలన ఆరోపణలు చేశారు. లక్షలకు లక్షలు పారితోషికం తీసుకున్న నటి వరలక్ష్మి ప్రమోషన్‌కు పిలిస్తే రావడం లేదు కదా సమయం లేదంటూ చెబుతున్నారన్నారు. పెద్ది సినిమాకు రామ్ చరణ్ వంటి స్టార్ హీరో రేయింబవుళ్లు ప్రమోషన్ చేశారని ఆయన గుర్తు చేశారు. 

అదేవిధంగా 94 యేళ్ల వయసులో కూడా "సింగ్ గీతం'' చిత్రానికి ఆ చిత్ర దర్శకుడు సింగీతం శ్రీనివాస రావు ప్రమోషన్ చేసుకునేందుకు వీల్ చైర్‌లో మీడియా ముందుకు వచ్చారని అన్నారు. మరి వరలక్ష్మి సొంతంగా నిర్మించుకున్న చిత్రానికి మాత్రం ప్రమోషన్ చేసుకున్నారని గుర్తు చేశారు. సరస్వతి సినిమాను ప్రమోషన్ చేసుకోవడానికి టైమ్ ఉండగా, మా చిత్ర ప్రమోషన్ చేసేందుకు సమయం లేదా అని ప్రశ్నించారు. సొంత సినిమా అయితే ప్రమోషన్ చేసుకుంటారు, ఇతరుల సినిమా అయితే ప్రమోషన్లకు రారా అని దర్శకుడు సంజీవ్ మేగోటి ప్రశ్నించారు. 

లక్షలకి లక్షలు పారితోషికం తీసుకుంది వరలక్ష్మీ

ప్రమోషన్ కి రమ్మని అడుక్కున్నా.. 'టైమ్ లేదు' అని చెప్పి రాలేదు వరలక్ష్మీ

'పెద్ది' సినిమాకి రామ్ చరణ్ వంటి పెద్ద స్టార్ హీరో మీడియా ముందుకు వచ్చి ప్రమోషన్ చేశాడు

సింగీతం గారు 94 ఏళ్ళ వయసులో కూడా మీడియా ముందుకు వచ్చి ప్రమోషన్… pic.twitter.com/bqCT2H8AVe

— Filmy Focus (@FilmyFocus) June 10, 2026