Thaman: ప్రజలు హ్యాపీగా వుండేందుకే ఓజీ టూర్ చేస్తున్నాం : థమన్

Written By: దేవీ

Updated: Mon, 8 Jun 2026 (18:03 IST)

Thaman OG Tour

ఓజీ టూర్ పేరుతో తన టీమ్ తో థమన్ ప్రోగ్రామ్ లు చేస్తున్నారు. ఇందుకు సంబంధించిన వివరాలను ఆయన హైదరాబాద్ తెలియజేశారు. హైదరాబాద్ లో జూన్ 6న జరగాల్సింది. వర్షం కారణంగా వాయిదా పడింది. అందుకే జూన్ 13న ప్రారంబిస్తున్నాం. నాలుగు సిటీలలో ఓజీ షో చేయాలనుకున్నాం. ఓజీ లోని టైటిల్ సాంగ్ కు ఎంత క్రేజ్ వచ్చిందో అందరికీ తెలిసిందే. అందుకే ఆ పేరుతో షో చేస్తున్నాం. బుక్ హౌ షోలో దాదాపు టిక్కెట్లు అమ్ముడయ్యాయి. షో కు వచ్చేవారికి చాలా ప్రికాషియన్స్ తీసుకున్నాం.

వారంతా హ్యాపీగా వచ్చి తిరిగి వెళ్ళాలి. కేవలం ప్రజల హ్యాపీనెస్ కోసమే ఈ షో చేస్తున్నాం. శరవణ్ సతీష్ గారు దీనికి నిర్వాహకులుగా వున్నారు. దాదాపు ఏ దైనా షో చేయాలంటే స్టేజీ ఏర్పాట్లు, ముంబై నుంచి లైటింగ్, కింద లారీలతో ఇసుక, కుర్చీలు, వారికి వసతి ఏర్పాట్లు ఇలా దాదాపు 2 కోట్లు ఖర్చవుతుంది. దానిని సతీష్ గారు బాగా నిర్వహించగలరు.

ఇక మన పాటలు అనేవి చాలా ఎనర్జీగా వుంటాయి. పాటలు పాడేటప్పుడు డాన్స్ చేస్తూ పాడుతుండాలి. అంత ఎనర్జీగా వుంటాయి. నేను పలు భాషల్లో పాడి సక్సెస్ అయినా పాటలనే ఎంపిక చేసుకుని షో లో పాడుతుంటాను. షో పర్మిషన్ కోసం పోలీసు కమిషనర్ ను కలుస్తున్నాం. హైదరాబాద్ తర్వాత, వైజాగ్, విజయవాడ, అనంతపూర్ లలో షోలు చేయనున్నాం. తర్వాత చెన్నై, బెంగుళూరు వంటి ప్రాంతాలలో నిర్వహిస్తున్నాం.