గురువారం, 28 మార్చి 2024
  1. ఇతరాలు
  2. బాలప్రపంచం
  3. కథనాలు
Written By Selvi
Last Updated : సోమవారం, 19 జూన్ 2017 (11:42 IST)

చిన్నారులు అదే పనిగా చేతుల్ని శుభ్రం చేసుకుంటున్నారా?

బంటీ నీ సోపు స్లోనా.. అంటూ పలు రకాల యాడ్స్.. చేతిని శుభ్రం చేసుకునేందుకు వచ్చేస్తున్నాయి. అయితే పిల్లలు అదే పనిగా చేతిని సోప్‌లు, లిక్విడ్స్ ద్వారా శుభ్రం చేసుకోవడం అంత మంచిది కాదంటున్నారు.. వైద్యులు.

బంటీ నీ సోపు స్లోనా.. అంటూ పలు రకాల యాడ్స్.. చేతిని శుభ్రం చేసుకునేందుకు వచ్చేస్తున్నాయి. అయితే పిల్లలు అదే పనిగా చేతిని సోప్‌లు, లిక్విడ్స్ ద్వారా శుభ్రం చేసుకోవడం అంత మంచిది కాదంటున్నారు.. వైద్యులు. అతిశుభ్రంతో చిన్నారులు అప్పుడప్పుడు చిన్న చిన్న వ్యాధుల బారిన పడే అవకాశం ఉందని  చెప్తున్నారు. పెద్దవారి శరీరంలో కోటానుకోట్ల సూక్ష్మజీవులు సహజీవనం చేస్తూ ఉంటాయి. వాటిల్లో కొన్ని సూక్ష్మజీవులు శరీర ఆరోగ్యానికి దోహదపడతాయి. ఇలాంటి సూక్ష్మజీవులు చేతుల ద్వారా శరీరంలోకి ప్రవేశించి కడుపులో పెరుగుతాయి. 
 
కానీ సూక్ష్మజీవులు పిల్లల శరీరంలో ప్రవేశించేందుకు వీలులేకుండా వారిచేతులను పదే పదే శుభ్రం చేస్తూంటే మంచి సూక్ష్మజీవులు.. పిల్లల శరీరంలోకి ప్రవేశించే అవకాశం ఉండదు. దీని కారణంగా వారు తరచూ అనారోగ్యానికి గురవుతుంటారు. అందువలన పిల్లలను కొద్దిసేపు మట్టిలో ఆడుకోనివ్వాలని వారు సూచిస్తున్నారు. పిల్లలు ఆటల నుంచి వచ్చిన తరువాత తల్లులు పదే పదే వారి చేతులను సబ్బుతోనూ, లిక్విడ్‌తోనూ శుభ్రం చేస్తారు.
 
ఇలా చేయడం వలన మట్టి నుంచి లభించే మంచి సూక్ష్మజీవులను కూడా మనం పోగొట్టుకోవలసి వస్తుందని, పిల్లలు ఆడుకుని రాగానే వారి చేతులను నీటితో శుభ్రం చేస్తే సరిపోతుందని చైల్డ్ కేర్ నిపుణులు చెప్తున్నారు. ఆల్కహాల్‌తో కూడిన హ్యాండ్ శానిటైజర్లను వాడటం ద్వారా పిల్లల చేతులు పొడిబారుతాయని తద్వారా పగుళ్లు ఏర్పడి.. వాటి నుంచి బ్యాక్టీరియా శరీరంలోకి ప్రవేశిస్తాయని.. ఇలాంటి శానిటైజర్లు వాడితే మాయిశ్ఛరైజర్ క్రీములు తప్పకుండా వాడాలని వైద్యులు సూచిస్తున్నారు. చేతులకు రసాయనాలతో కూడిన హ్యాండ్ వాష్‌లను ఉపయోగించి వాష్ చేయడం కంటే.. చల్లని లేదా గోరువెచ్చని నీటితో కడిగేస్తే సరిపోతుందని వారు సలహా ఇస్తున్నారు.