నిర్మాతగా మారనున్న నటి రాశి

Publish: Wed, 13 Jun 2007 (11:39 IST) Updated: Wed, 13 Jun 2007 (11:38 IST)

తన అందచందాలతో, మత్తెక్కించే చూపులతో తెలుగు ప్రేక్షకులను ఆకట్టుకునేందుకు ప్రయత్నించి విఫలమైన హీరోయిన రాశి త్వరలో రెండో ఇన్నింగ్స్‌ ఆరంభించనుంది. నివాస్ అనే వ్యక్తిని వివాహం చేసుకుని చిత్రపరిశ్రమకు దూరమైన రాశి.. త్వరలో సినీ నిర్మాతగా మారనుంది.

శ్రీ కృష్ణ ప్రొడక్షన్‌పై డి.శ్రీనివాసరావు నిర్మిస్తున్న ఈ చిత్రానికి రాశి సమర్పకులుగా వ్యవహరించనుంది. ముఖ్యమైన విషయమేమిటంటే.. డైలాగ్ కింగ్ సాయికుమార్ హీరో, అను మెహతా, సింగర్ పూనమ్ హీరోయిన్లుగా నటిస్తున్న ఈ చిత్రానికి రాశి తన భర్త నివాస్‌ను తొలిసారి దర్శకునిగా పరిచయం చేయనుంది.

అలాగే.. ప్రముఖ సంగీత దర్శకుడు చక్రవర్తి కుమారుడు శ్రీ ఈ చిత్రం ద్వారా సంగీత దర్శకునిగా పరిచయం కానున్నారు. ఈ చిత్రం షూటింగ్ కార్యక్రమాలు త్వరలో హైదరాబాద్‌లో ప్రారంభంకానున్నాయి. ఇంకా.. సునీల్, ఆలీ, బ్రహ్మానందం, షఫీలు కూడా నటిస్తున్న ఈ చిత్రానికి జస్వంత్ సినిమాటోగ్రఫీ సమకూర్చుతున్నారు.