పరమేష్, సింధు తులానీ జంటగా కొత్త చిత్రం

Written By: PNR

Published: Thu, 19 Jul 2007 (15:09 IST)

పరమేష్, సింధు తులానీ జంటగా శ్రీరామ్ దర్శకత్వంలో కలవకూరి అంకబాబు, సోమరాజు పురుషోత్తమరావు సంయుక్తంగా నటిస్తున్న చిత్రం షూటింగ్ శరవేగంగా జరుగుతోంది. 'ఐతే' చిత్రంలో మంచి నటనతో ప్రేక్షకులను ఆకట్టుకున్న సింధు తులానీకి తాజా చిత్రం మంచి బ్రేక్ ఇస్తోందని నిర్మాతలు అన్నారు. ఈ చిత్రంలో ఆమె పాత్రం ప్రశంసనీయంగా ఉందన్నారు.

ఈ చిత్రం షూటింగ్‌ను గతనెల 28వ తేదీన ప్రారంభించి ఏకధాటిగా జరుగుతోందన్నారు. ఇప్పటికే 30 శాతం పూర్తయిన ఈ చిత్రం కథ.. ప్రేమ, కుటుంబ కథా చిత్రంగా ఉంటుందన్నారు. నరేష్, నాగబాబు హీరో హీరోయిన్ల తల్లిదండ్రులుగా నటిస్తున్నారని చెప్పారు.

తొలిసారిగా నటిస్తోన్న ప్రేమ కథా చిత్రం తనకు మంచి పేరు తెస్తుందని హీరో పరమేష్ ఆశాభావం వ్యక్తం చేశారు. ఈ చిత్రంలో బ్రహ్మానందం, లక్ష్మీపతి, ముమైత్ ఖాన్, రమాప్రభ, రవళి తదితరులు నటిస్తుండగా.. మాటలు.. రామస్వామి, సంగీతం.. ఆర్పీ.పట్నాయక్, కెమరా.. వాసు, ఎగ్జిక్యూటివ్ నిర్మాత.. పి.మధుసూధన్ రెడ్డి.