రీ రికార్డింగ్లో బాలాదిత్య-గాయత్రిల ''సంధ్య''
|
ఈ చిత్రం కథపై దర్శకుడు గణమురళి మాట్లాడుతూ.. ఈ చిత్రంలోని హీరోయిన్కు చదువంటే పంచప్రాణాలని, ఎలాగైనా కష్టపడి చదివి డాక్టర్ కావాలన్నదే ఆమె ఆశయం. అయితే.. ఇంట్లో తండ్రి ప్రోత్సాహం లేకపోవడంతో ఏమి చేయాలో తోచక అయోమయ స్థితిలో ఉన్నపుడు ఆమెకు ఓ యువకుడు పరిచయమవుతాడు. బాధ్యత లేకుండా అల్లరి చిల్లరిగా తిరిగే ఆ యువకుడు.. చదువుకోవాలనే తపన పడే యువతిని చూశాక కొంత మార్పు కనిపిస్తుంది. ఆమె ఆయన సాధన కోసం పాటుపడతాడు.
ఈ రెండు పాత్రలను హీరోహీరోయిన్లైన బాలాదిత్య, గాయత్రిలు పోషించారని చెప్పారు. అనంతరం నిర్మాత బైరయ్య మాట్లాడుతూ.. చక్కని సందేశంతో తెరకెక్కిస్తున్న ఈ చిత్రాన్ని ఆగస్టు నెలలో విడుదల చేసేందుకు సన్నాహాలు చేస్తున్నట్టు చెప్పారు. సంధ్య చిత్రానికి మాటలు.. సాగర్, సంగీతం.. గణేశ్ చక్రవర్తి, కెమెరా.. రామ్ కుమార్, సమర్పణ.. గద్దె మురళి, కథ, స్క్రీన్ ప్లే, డిజైనింగ్, దర్శకత్వం.. గణమురళి.
