హాలివుడ్ ఛాన్స్ కొట్టేసిన నగ్మా

Publish: Thu, 27 Sep 2007 (12:29 IST) Updated: Thu, 27 Sep 2007 (12:28 IST)

WD Photo

WD

కొంతకాలం పాటు భారత క్రికెట్ జట్టు మాజీ కెప్టెన్ సౌరవ్ గంగూలీతో చెట్టాపట్టాలు వేసుకుని సీనియర్ నటి నగ్మా.. 'ఆర్ట్ ఆఫ్ లివింగ్‌' కోర్సులో చేరి స్వాంతన పొందిన విషయం తెల్సిందే. ఈ స్వాంతన ఫలితమో ఏమో గాని.. ఆమెకు అదృష్టం తలపు తట్టింది. తెలుగు, తమిళ చిత్రసీమల్లో అవకాశాలు లేక 'భోజ్‌పురి' చిత్ర రంగంలో స్థిరపడిన ఈ భామ తాజాగా ఓ హాలీవుడ్ చిత్రంలో నటించనుంది.

క్రిస్టియన్ మిషనరీల చుట్టూ తిరిగే ఈ చిత్ర కథలో ప్రముఖ హాలీవుడ్ నటుడు హీరోగా నటించనున్నట్టు వినికిడి. ఇప్పటికే.. బాలీవుడ్ నటీమణులు ఐశ్వర్యారాయ్, సెలీనా జైట్లీ, మల్లికా షెరావత్, శిల్పాశెట్టిలకు హాలీవుడ్ అవకాశాలు లభించిన విషయం తెల్సిందే. వీరి జాబితాలో తాజాగా నగ్మా కూడా చేరనుంది. సో... ఈ వార్త నగ్మాకు శుభవార్తే.