అంచనాలు అందుకోని ''సావరీయా'', ''ఓం శాంతి ఓం''
|
జూనియర్ ఆర్టిస్టు పునర్జన్మ కథా నేపథ్యంగా ఓం శాంతి ఓం రూపొందగా, సవారియాలోని హీరోయిన్ సోనమ్ కపూర్ అతిథి పాత్రలో కనపడే సల్మాన్ ఖాన్ను ప్రేమిస్తుంది. ఇక హీరో రణ్బీర్ కపూర్, సోనమ్ కపూర్ను ప్రేమిస్తుంటాడు. ఎవరు ఎవరిని ఎందుకు ప్రేమిస్తున్నారో విడమరచి చెప్పలేని ప్రేమ కధా చిత్రంగా సావరియా తెర మీదకు వచ్చింది.
బాలీవుడ్ బాద్షా షారూఖ్ ఖాన్ రెండు వైవిధ్యమైన పాత్రల్లో ఓం శాంతి ఓం చిత్రంలో కనపడతాడు. 1977 నాటి బాలీవుడ్ వాతావరణాన్ని తలపిస్తూ హీరో కావలనకునే జూనియర్ ఆర్టిస్టుగా సినిమా ప్రథమార్థంలో షారూఖ్ కనిపిస్తాడు. ద్వితీయార్ధంలో 2007 నాటి సూపర్ స్టార్గా షారూఖ్ ఖాన్ అవతారమెత్తుతాడు.
1977నాటి సినిమాలలో నటీనటులపై సెటైర్లు వదలిన ఓం శాంతి ఓం 2007 నాటి సన్నివేశాలలో సైతం 1977 నాటి పోకడలు పోవడం అలనాటి చిత్రీకరణ పద్ధతుల పట్ల దర్శకురాలు ఫర్హాఖాన్కు గల మమకారాన్ని వ్యక్తం చేస్తున్నదని బాలీవుడ్ పండితులు పెదవి విరుస్తున్నారు. బాలీవుడ్ బాద్షాకు గల సూపర్ స్టార్ ఇమేజ్ను సక్రమంగా వినియోగించుకోవడంలో దర్శకురాలు విఫలమైందని అంటున్నారు.
|
భారీ అంచనాలతో విడుదలైన రెండు మెగా చిత్రాలు పేలని బాణసంచా వలె తుస్సుమనడం భారీ చిత్ర నిర్దేశకులు అతి ఆత్మవిశ్వాసానికి నిదర్శనమని సినీ పండితులు వ్యాఖ్యానిస్తున్నారు.
