"మా ఆయన చంటి పిల్లాడు" అంటున్న మీరా

Publish: Tue, 27 Nov 2007 (13:10 IST) Updated: Tue, 27 Nov 2007 (13:09 IST)

WD Photo

WD

శివాజీ, మీరా జాస్మిన్, సంగీత కాంబినేషన్‌లో లక్కీ మీడియా పతాకంపై రూపొందుతున్న చిత్రానికి "మా ఆయన చంటి పిల్లాడు" అనే టైటిల్‌ను ఖరారు చేశారు. రాజా వన్నెంరెడ్డి దర్శకత్వంలో బెక్కం వేణుగోపాల్ నిర్మిస్తున్న ఈ చిత్రం రెండు పాటలు, ఓ ఫైట్ మినహా, మిగిలి షూటింగ్ అంతా పూర్తి చేసుకుంది. ఈ చిత్రంపై చిత్ర సమర్పకుడు విజయ ప్రకాష్ మాట్లాడుతూ.. తమిళంలో నిర్మించిన "ఎన్ పురుషన్ కుళందై మాదిరి" అనే చిత్రాన్ని రిమేక్ చేస్తున్నట్టు చెప్పారు.

అనంతరం దర్శకుడు రాజా మాట్లాడుతూ.. మూడేళ్ళ క్రితం ఈ చిత్రాన్ని చూసి, తెలుగులో తీయాలనుకున్నాం. కానీ కుదరలేదు. మళ్లీ ఇన్నేళ్లకు ఇదే కథ నాకు దక్కడం అదృష్టంగా ఉంది. ప్రతి మహిళ తన భర్తకు భార్యలా, అమ్మలా, చెల్లెలులా, ప్రేయసిలా సేవలు చేస్తూ తన ఔన్నత్యాన్ని చాటుతుంది.

అందుకే ఈ చిత్రానికి సరిపడ టైటిల్‌ను పెట్టాం. మిగిలిన షూటింగ్‌ను డిసెంబరులో పూర్తి చేస్తామన్నారు. ఈ చిత్రంలో వేణు మాధవ్, చంద్రమోహన్, షకీలా, నిషా తదితరులు నటిస్తుండగా, మూలకథ.. రాజశేఖర్, మాటలు.. రాజేంద్ర కుమార్, పాటలు.. భాస్కర భట్ల, సంగీతం.. శ్రీలేఖ, కెమెరా.. వాసు, సహనిర్మాత.. ప్రశాంత్‌.