కెరీర్‌పైనే నా దృష్టి: కమలిని

Written By: Hanumantha Reddy

Published: Fri, 28 Dec 2007 (14:03 IST)

File

FILE

శేఖర్ కమ్ముల దర్శకత్వ సారథ్యంలో రూపొందిన ఆనంద్ (ఓ మంచి కాఫీ లాంటి సినిమా) చిత్రం ద్వారా తెలుగు ప్రేక్షకులకు పరిచయమైన బెంగీలీ అందాల నటి కమలినీ ముఖర్జీ. సినీ రంగంలో రాణించేందుకు అందాలు ఆరబోయనక్కర్లేదని.. ప్రతిభతో నైపుణ్యాన్ని ప్రదర్శిస్తే.. అవకాశాలు అందిపుచ్చుకోవచ్చంటోందీ నటీమణి.

అయితే తన దృష్టి ప్రస్తుతం సినీ కెరీర్ పైనే ఉందని.. పెళ్లిపై ఆలోచన లేదని ఆమె స్పష్టం చేస్తోంది. ప్రస్తుతం తెలుగు చలన చిత్ర రంగంలో బిజీ ఆర్టిస్ట్ అయిన కమలినీ గమ్యం చిత్రంలో ప్రధాన పాత్ర పోషిస్తోంది. అలాగే బ్రహ్మానందం డ్రామా కంపెనీలోను ఓ పాత్రలో నటిస్తోంది.

అంతేకాక తన మాతృభాషలోను మంచి అవకాశాలను అందిపుచ్చుకుంది. తమిళ్‌లోను ఓ చిత్రంలో నటించేందుకు అంగీకరించినట్లు సినీ వర్గాల భోగట్టా.