శ్రీహరి ప్రధాన పాత్రలో సెవెన్ చిత్రం
|
ఈ చిత్రానికి సంబంధించి షూటింగ్ హైదరాబాద్లో జూబ్లీహిల్స్లో ఓ ప్రైవేటు భవంతిలో ప్రారంభించారు. ఈ సందర్భంగా శ్రీహరి మాట్లాడుతూ ఏడు అంకెకు ఈ కథలో లింక్ అయి ఉండడంతో సెవెన్ అనే టైటిల్ పెట్టినట్లు వెల్లడించాడు. ఈ చిత్రంలో తను ఓ వైవిధ్య పోలీసు అధికారిగా నటిస్తున్నట్లు పేర్కొన్నాడు.
అనంతరం దర్శకుడు మాట్లాడుతూ స్నేహం, ప్రేమ, థ్రిల్ వంటి అంశాలతో పాటు మానవీయ అంశాలను కూడా కథకు జోడించామన్నారు. ఐదుపాటలున్న ఈ చిత్రం హైదరాబాద్ టు చెన్నై మధ్య కథ సాగుతుందని పేర్కొన్నారు. తాను తమిళంలో చెన్నై-28 చిత్రానికి దర్శకత్వం వహించానన్నారు.
కాగా, ఈ చిత్రానికి సంగీతం యువన్ శంకర్ రాజా సంగీతం అందిస్తుండగా, కెమెరా శక్తి శరవణన్ షూట్ చేస్తున్నారు.
