6న తెలుగులో "జోధా అక్బర్"

Publish: Mon, 3 Mar 2008 (14:21 IST) Updated: Mon, 3 Mar 2008 (14:20 IST)

File

FILE

అశుతోష్ గోవారికర్ రూపొందించిన హిందీ "జోధా అక్బర్" చిత్రం వచ్చే ఆరో తేదీన తెలుగులో విడుదల కానుంది. యూటీవీ సంస్థ ప్రతినిధి సునీల్ వాద్వా ఈ విషయాన్ని వెల్లడించారు. ప్రపంచ వ్యాప్తంగా 1500 ప్రింట్లతో విడుదలైన ఈ చిత్రం అత్యంత ప్రేక్షకాధారణ పొంది, కనక వర్షం కురిపిస్తున్న విషయం తెల్సిందే. ఈ చిత్రం విడుదలైన రెండు వారాల్లోనే సుమారు 90 కోట్ల రూపాయలను వసూలు చేసిందని ఆయన పేర్కొన్నారు. ఈ నేపథ్యంలో "జోధా అక్బర్‌"ను తెలుగుతో పాటు మరికొన్ని ప్రాంతీయ భాషల్లోకి అనువదించామని ఆయన వివరించారు.

చిత్రాన్ని ఆరో తేదీన విడుదల చేయనున్నట్టు చెప్పిన ముందుగా ప్రదర్శించనున్న ప్రివ్యూకు హృతిక్, ఐశ్వర్య, సంగీత దర్శకుడు రెహ్మాన్‌లు హాజరవుతున్నారని ఆయన వివరించారు. స్వదేశంలో ఈ చిత్ర ప్రదర్శనకు మంచి ఆదరణ ఉందని చెప్పారు. అయితే రాజస్థాన్‌, యూపీ రాష్ట్రాల్లో మాత్రమే చిత్ర ప్రదర్శనపై నిరసనలు వ్యక్తమవుతున్నాయని పేర్కొన్నారు. ఈ చిత్ర దర్శకుడు రాజ్‌పుత్ వంశ చరిత్రను వక్రీకరించారని పేర్కొంటూ ఆ వంశస్థులు ఆరోపిస్తూ చిత్ర ప్రదర్శనను అడ్డుకుంటున్న విషయం తెల్సిందే.