జోర్డాన్‌కు అల్లు అర్జున్ పరుగో "పరుగు"

Publish: Wed, 5 Mar 2008 (13:23 IST) Updated: Wed, 5 Mar 2008 (13:22 IST)

File

FILE

"దేశముదురు" అల్లు అర్జున్‌ను నిర్మాత "దిల్" రాజు ఒకచోట కూర్చోనీయకుండా "పరుగు" పట్టిస్తున్నారు. దర్శకుడు "బొమ్మరిల్లు" భాస్కర్ ఆయనకు పూర్తి సహాయ సహకారాలు అందిస్తున్నారు. 'గంగోత్రి', 'ఆర్య', 'బన్నీ', 'దేశముదురు' వంటి వరుస హిట్లను సొంతం చేసుకున్న అల్లు అర్జున్‌ కెరీర్‌లో మరో విజయవంతమైన చిత్రాన్ని నిర్మించాలన్న తపనే ఈ "పరుగు" అసలు కారణం. అంతేకాకుండా అల్లు అర్జున్ తాజా చిత్రానికి "పరుగు" అనే టైటిల్‌ను ఖరారు చేశారు.

శ్రీవెంకటేశ్వర క్రియేషన్స్ పతాకంపై నిర్మిస్తున్న ఈ చిత్రాన్ని 'దిల్'రాజు నిర్మిస్తుండగా, 'బొమ్మరిల్లు' ఫేం భాస్కర్ దర్శకత్వం వహిస్తున్నారు. అయితే ఈ చిత్రం షూటింగ్ కోసం ఈనెల 15వ తేదీ నుంచి జోర్డాన్‌కు వెళ్లనుంది. మరో రెండు పాటలు మినహా మిగిలి చిత్రం షూటింగ్ అంతా పూర్తయింది. దీనిపై రాజు మాట్లాడుతూ.. ప్రేక్షకుల అంచనాలకు ఏ మాత్రం తగ్గకుండా ఈ చిత్రం వుంటుంది.

మూడు ఫైట్లు, ఆరు పాటలతో రసవత్తరంగా చిత్ర కథ సాగుతుంది. వేసవిలో చిత్రాన్ని విడుదల చేసేందుకు సన్నాహాలు చేస్తున్నామని వివరించారు. మణిశర్మ సంగీతాన్ని సమకూర్చే ఈ చిత్రానికి కెమెరా...విజయ్ కె.చక్రవర్తి, ఎడిటర్...మార్తాండ్ కె వెంకటేష్, ఆర్ట్...ఆనంద్ సాయి, సహ నిర్మాతలు..శిరీష్, లక్ష్మణ్, కథ, మాటలు, స్క్రీన్ ప్లే, దర్శకత్వం భాస్కర్.