ఐదుగురు భామల మధ్య "కుచేలుడు"

Publish: Mon, 31 Mar 2008 (15:09 IST) Updated: Mon, 31 Mar 2008 (15:09 IST)

File

FILE

దక్షిణభారత సూపర్ స్టార్‌గా నీరాజనాలు అందుకుంటున్న హీరో రజనీకాంత్‌కు వయస్సు మీద పడుతున్న కొద్దీ చరిష్మా పెరుగుతోంది. ముఖ్యంగా.. యుద్ధ పోరాట సన్నివేశాలు (ఫైట్స్), కుర్రకారు హీరోయిన్లతో పోటీ పడి డ్యాన్సులు వేయడంలో ఏమాత్రం వెనుకంజ వేయడం లేదు. "శివాజీ" చిత్రం తర్వాత ఆయన తాజాగా నటిస్తున్న "కుచేలుడు" సినిమా షూటింగ్ ప్రస్తుతం హైదరాబాద్‌లోని రామోజీ ఫిల్మ్‌ సిటీలో శరవేగంగా సాగుతోంది. ఇప్పటికే ఈ చిత్రంలో నయనతార, మీన, మమతా, కుష్బులు హీరోయిన్లుగా నటిస్తుండగా వారికి తోడు స్నేహ నటించనున్నారు.

చిత్రం క్లైమాక్స్ సన్నివేశాల చిత్రీకరణలో ఇప్పటికే 35 మంది నటీనటులపై గత కొద్ది రోజులుగా చిత్రీకరిస్తున్నారు. తమిళ చిత్రం "కుచేలన్" చిత్రం రిమేక్‌గా సాగుతున్న ఈ చిత్రంలో నయనతార, మీన, వడివేలు, ప్రభుత్వ, పుష్పవతిలు ప్రధాన పాత్రలు పోషిస్తున్నారు. ప్రముఖ దర్శకుడు కె.బాలచందర్ సొంత బ్యానర్ కవితాలయ సంస్థపై ఈ చిత్రాన్ని నిర్మిస్తుండగా, సెవెన్ ఆర్ట్స్‌ సంస్థ సహ నిర్మాతగా వ్యవహరిస్తోంది. మలయాళ సూపర్ స్టార్ మమ్ముట్టి నటించిన "కథ పరయుంబాల్" అనే చిత్ర కథ ఆధారంగా "కుచేలుడు" తెరకెక్కుతోంది.