రీ-రికార్డింగ్ జరుపుకుంటోన్న ''1940లో ఒక గ్రామం''

File

FILE

బాలాదిత్య, శ్రీ జంటగా నందిరెడ్డి నాగమ్మ సమర్పణలో నందిరెడ్డి నరసింహారెడ్డి, జువ్విశెట్టి శ్రీరావమ్మ సంయుక్తంగా నిర్మిస్తున్న చిత్రం 1940లో ఒక గ్రామం. ఈ చిత్రానికి నరసింహ నంది దర్శకత్వం వహిస్తున్నారు. ఈ చిత్రం ప్రస్తుతం రీ-రికార్డింగ్ కార్యక్రమాలు జరుపుకుంటోంది.

ఈ సందర్భంగా ఈ చిత్ర విశేషాల గురించి దర్శకుడు మాట్లాడుతూ ఒట్టిమాటలు కట్టిపెట్టి గట్టిమేల్ తలపెట్టవోయ్ అన్న గురజాడ వారి స్పూర్తితో ఈ చిత్రాన్ని తెరకెక్కిస్తున్నామని అన్నారు. ఈ చిత్రంలోని కథలో రెండు కోణాలుంటాయని ఆయన తెలిపారు.

కులము దాని మూలాల గురించి చర్చిస్తూనే, పితృస్వామ్య వ్యవస్థలో స్త్రీ స్వేచ్ఛ అనే విషయం గురించి కూడా ఈ చిత్రంలో ప్రస్తావించడం జరిగిందన్నారు. ఈ చిత్రంలో రెండు పాటలు ఐదు పల్లవులు ఉంటాయని ఆయన తెలిపారు.

ఈ చిత్రానికి సంగీతం- సాకేత్‌సాయిరామ్, కెమెరా- మురళీమోహన్‌రెడ్డి, మాటలు- నహసింహనంది, రఘుబాబు, కథ, స్క్రీన్‌ప్లే, దర్శకత్వం- నరసింహనంది.