కొన్ని సినిమాలను చూసినప్పుడు మనకు కళ్లవెంబడి నీళ్లు రావటం సహజం. ఎందుకంటే సన్నివేశాల చిత్రీకరణ అలా ఉంటుంది మరీ. అయితే బక్కపలచని భామ ఇలియానా తను నటించిన చిత్రాన్ని చూసి తెగ ఏడ్చాశానంటోంది. ఈ ఏడుపు ఎందుకో తెలుసా... ఆమె మాటల్లోనే తెలుసుకుందాం... " ఖతర్నాక్ సినిమా విడుదలైన మూడు నెలల తర్వాత సినిమా చూసి ఏడ్చాను. సినిమా తీయడానికి ముందు చెప్పిన స్క్రిప్ట్ ఒకటే... కానీ స్క్రీన్ పై ప్రజెంట్ చేసిన విధానం మరొకటి.
ఖతర్నాక్లో ఎందుకు నటించారు అని అభిమానులు అడిగినప్పుడు అర్థంకానిది, చిత్రం గురించి, నా గురించి చెడుగా సమీక్షలు రాసింది ఎందుకు అన్నది సినిమా చూస్తేగానీ బోధపడలేదు. కొన్ని భంగిమల్లో నన్ను జుగుప్సాకరంగా చూపించారు. " అంటూ తన బాధను వెళ్లగక్కింది ఇలియానా. ఇలాంటి సందర్భాన్నే ఆట చిత్రంలో ఎదుర్కొన్నానంది. ఈ చిత్రం పట్ల దర్శక నిర్మాతలకు స్పష్టమైన క్లారిటీ లేదనీ, ఈ గందరగోళంలో తన పాత్ర గురించి సరిగా వివరించలేదనీ ఆరోపించింది. అంటే కథలో వివరించినట్లు ఉన్నదిఉన్నట్లుగా చిత్రీకరించాలని ఇలియానా ఆలోచన కాబోలు. విన్నారుగా దర్శకులూ...
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
