డీటీఎస్ కార్యక్రమాల్లో ''మా ఆయన చంటిపిల్లాడు''

File

WD

శివాజీ, మీరాజాస్మిన్ జంటగా రూపొందుతోన్న చిత్రం 'మా ఆయన చంటిపిల్లాడు'. లక్కీ మీడియా పతాకంపై బెక్కెం వేణుగోపాల్ నిర్మాతగా రూపొందుతోన్న ఈ చిత్రానికి రాజా వన్నెంరెడ్డి దర్శకుడు. ఈ చిత్రంలో సంగీత ఓ ముఖ్యమైన పాత్ర పోషిస్తోంది. తమిళంలో సూపర్‌హిట్ అయిన 'ఎన్ పురుషన్ కులంద మాదిరి' అనే చిత్రం ఆధారంగా ఈ చిత్రం తెరకెక్కుతోంది.

ఈ చిత్ర విశేషాల గురించి దర్శకుడు మాట్లాడుతూ ఓ అమాయకుడైన వ్యక్తి అనుకోకుండా ఓ స్త్రీ వ్యామోహంలో చిక్కుకుంటే అతని భార్య ఎలా స్పందించింది అన్న పాయింట్‌తో ఈ చిత్రం తెరకెక్కుతోందని అన్నారు.

శివాజీ భార్యగా మీరాజాస్మిన్ పాత్ర చిత్రానికి హైలెట్‌గా నిలుస్తుందన్నారు. సంగీత పాత్ర సైతం చాలా వైవిధ్యంగా ఉంటుందని ఆయన తెలిపారు. ఈ చిత్రానికి ఎమ్.ఎమ్. శ్రీలేఖ సంగీతాన్ని అందిస్తుండగా భాస్కరభట్ల ఈ చిత్రానికి అన్ని పాటలు అందించడం విశేషం.