''బెనజీర్''గా ''ఐశ్వర్య'': యూటీవీ ప్రయత్నాలు ?
|
యూటీవి నిర్మించే ఈ చిత్రంలో బెనజీర్ పాత్రను పోషించడానికి ఐశ్వర్యను సంప్రదిస్తున్నారట. అలాగే ఈ చిత్రానికి కథను సిద్ధం చేసే బాధ్యతను యూటీవీ సంస్థ నీలేష్ మిశ్రాను సంప్రదించింది. ఈ చిత్రానికి సంబంధించిన కథ, అనుమతి కోసం యూటీవీ ప్రతినిథులు బెనజీర్ కుటుంబాన్ని కూడా సంప్రదించనున్నారట.
వీటితోపాటు ఈ చిత్ర నిర్మాణానికి సంబంధించిన అనుమతి కోసం నిర్మాతలు పాకిస్థాన్ ప్రభుత్వాన్ని సైతం సంప్రదిస్తున్నారట. ఇవన్నీ జరిగితే బెనజీర్గా ఐశ్వర్య తెరపై కనిపించనున్నారు. ఈ విషయమై కథా రచయిత నీలేష్ మిశ్రా మాట్లాడుతూ బెనజీర్ చిత్రానికి సంబంధించిన కథ సిద్ధం చేయమంటూ యూటీవీ సంస్థ తనను సంప్రదించిందని తెలిపారు.
అయితే తాను ఇంకా ఈ చిత్ర రచనకు పూనుకోలేదని ఆయన తెలిపారు. బెనజీర్ పాత్ర చేయడానికి ఐష్ ఒప్పుకుంటే మిగతా విషయాలు వేగంగా ముందుకు సాగుతాయని ఆయన పేర్కొన్నారు.
