ఇప్పుడు బాలీవుడ్ సినీపరిశ్రమ 'అ...' అంటే అసిన్ అంటోంది. దక్షిణాది సినిమాల్లో తన గ్లామరస్ నటనతో ఓ ఊపు ఊపిన అసిన్ హిందీ గజినిలో నటించింది. ఈ చిత్రం ఈ ఏడాది విడుదల కానుంది. మరోవైపు 'లండన్ డ్రీమ్స్' చిత్రానికి సంతకాలు చేసింది. బాలీవుడ్ తారామణులకు అసిన్ గట్టి పోటీ కాగలదని బాలీవుడ్ సినీ పండితులు లెక్కలు వేసి మరీ చెపుతున్నారు.
ఇదిలా వుంటే ప్రముఖ ఫ్యాషన్ మేగజైన్ వోగ్ ముఖపత్రంపైకి ఆమె ఫోటో ఎక్కింది. ఈ సందర్భంగా పత్రిక ఎడిటర్ మాట్లాడుతూ... ఎవరైతే భారతీయ చలనచిత్ర రంగంలో మంచి పేరు ప్రఖ్యాతులు సాధిస్తుంటారో వారిని తాము ప్రమోట్ చేయటం జరుగుతూ వుంటుందనీ, ఈ క్రమంలో అసిన్ ఫోటో జూలై సంచిక ముఖ చిత్రంగా ప్రచురించామని చెప్పారు. అసిన్కు మంచి టాలెంట్ వుందనీ, అందువల్లే అమీర్ సరసన నటించే అవకాశం కొట్టేసిందని పొగడ్తలతో ముంచెత్తాడు. ఇకనుంచి బాలీవుడ్లో అసిన్ హవా సాగుతుందన్నమాట.
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
