తెలుగు, తమిళ భాషల్లో విశ్వవ్యాప్తంగా సూపర్ హిట్ అయిన పద్మభూషణ్ కమల్హాసన్ "దశావతారం" హిందీలో "దశావతార్"గా జూలై 11న విడుదల కానుంది. సక్సెస్ఫుల్ డైరక్టర్ కె.ఎస్. రవికుమార్ దర్శకత్వంలో భారతదేశ ప్రతిష్టాత్మక చిత్రంగా భారీ బడ్జెట్తో ఆస్కార్ ఫిలింస్ పతాకంపై వి. రవిచంద్రన్ రూపొందించిన "దశావతారం" అంచనాలకు మించిన ఆదరణతో కలెక్షన్ల పరంగా సెన్సేషన్ క్రియేట్ చేస్తోంది.
ఈ సందర్భంగా చిత్ర నిర్మాత ఆస్కార్ రవిచంద్రన్ మాట్లాడుతూ... భారతదేశం గర్వించదగ్గ నటుడు కమల్హాసన్ 10 విభిన్న పాత్రలు పోషించిన "దశావతారం" చిత్రాన్ని విజయవంతం చేసినందుకు ప్రేక్షకులను ధన్యవాదాలు తెలిపారు. దశావతారం చిత్రాన్ని అపూర్వంగా ఆదరిస్తూ ప్రేక్షకులు పెద్ద హిట్గా నిలిపారని రవిచంద్రన్ పేర్కొన్నారు.
నైజాం ప్రాంతంలో దశావతారం చిత్రం రెండు వారాలకు 3 కోట్ల 50 లక్షలకుపైగా షేర్ సాధించి సెన్సేషనల్ రికార్డు నమోదు చేసిందని సిరి మీడియా పీడీ ప్రసాద్ చెప్పారు. తమ ప్రాంతంలో దశావతారం రెండు వారాలకు 1 కోటి 60 లక్షలకుపైగా వసూళ్లు సాధించిందని సీడెడ్లో ఈ సినిమాను రిలీజ్ చేసిన శోభారాణి తెలిపారు. దశావతారం సీడెడ్లో పెద్ద హిట్గా నిలిచిందన్నారు. సినిమా మూడో వారంలోనూ హౌస్ఫుల్ కలెక్షన్స్తో రన్ అవుతోందని చెప్పారు.
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
