బి.ఎల్.బి శ్రీనివాస్ దర్శకత్వంలో, శివ నిర్మిస్తున్న కొత్త చిత్రం "మహానగరంలో శివ చందు". ప్రస్తుతం షూటింగ్ పూర్తి చేసుకున్న ఈ సినిమాలో యశ్వంత్, పూనమ్ సింగార్ హీరోగా హీరోయిన్లుగా నటిస్తున్నారు. టాకీ కార్యక్రమాలను పూర్తి చేసుకున్న ఈ సినిమా గురించి దర్శకుడు మాట్లాడుతూ... తాజాగా పూనమ్ సింగార్పై ఓ పాటను హైదరాబాద్లోని ప్రగతి రిసార్ట్స్లో చిత్రీకరించామని అన్నారు.
పూనమ్ సింగార్పై షూట్ చేసిన ఈ పాట ఈ సినిమాకు హాట్ నెంబర్ (హైలైట్)గా నిలుస్తుందని దర్శకుడు నమ్మకం వ్యక్తం చేశారు. రొమాంటిక్ ప్రేమకథా చిత్రంగా రూపుదిద్దుకుంటున్న ఈ సినిమాను సెప్టెంబరులో విడుదల చేసేందుకు సన్నాహాలు చేస్తున్నట్లు ఆయన చెప్పారు. శ్రీ వాసవి పతాకంపై తెరకెక్కనున్న ఈ సినిమాకు కోటి సంగీత దర్శకత్వం వహిస్తున్నారు. ఇంకా ఈ చిత్రంలో శ్రీను, మల్లికార్జున రావు, సుదీప, అశోక్ కుమార్, బెనర్జీ, సూర్య, సమీర్, భాస్కర్ తదితరులు నటిస్తున్నారు.
|
సలహాలు/ప్రతిస్పందనలు
మీ స్నేహితునికి పంపించు
ఈ పేజీని ముద్రించు
