రజనీ "సుల్తాన్"లో రమ్య కీలక పాత్ర!
Published: Wed, 6 Aug 2008 (16:31 IST)
తమిళ సూపర్ స్టార్ రజనీ కాంత్ నటిస్తోన్న"సుల్తాన్ ది వారియర్" యానిమేషన్ చిత్రంలో అందాల భామ రమ్య కీలక పాత్ర పోషించనుంది. రజనీ కుమార్తె సౌందర్య రజనీ కాంత్ నిర్మాణ సారథ్యం వహించే ఈ సినిమాలో "రమ్య"కు హీరోయిన్ ఛాన్స్ కొట్టేసింది. ఈ విషయమై రమ్య స్పందిస్తూ... సూపర్ స్టార్ సరసన నటించే అవకాశం రావడం ఆశ్చర్యంగా ఉందని చెప్పింది. ఇప్పటికీ ఆయన సినిమాలో నటించబోతున్నానంటే నమ్మలేకపోతున్నానని వెల్లడించింది 
. మరోవైపు "కొడితే కొట్టాలిరా" సినిమాలో హోమ్లీ పాత్రను పోషించిన చెన్నై గేల్ విజయలక్ష్మి కూడా "సుల్తాన్"లో మరో కీలక పాత్ర పోషిస్తోంది. కాగా, రజనీ "సుల్తాన్"కు చెందిన ఓ పాటను ఇప్పటికే హైదరాబాద్లోని ఆర్ఎఫ్సి, అన్నపూర్ణ స్టూడియోస్లో చిత్రీకరించారు.
